Kishi Almaty ózeniniń kaskadtary nege alynǵan ákimdik túsindirdi
ALMATY. QazAqparat - Almatyda Kishi Almaty ózenindegi kaskadty tósemeler alynyp tastaldy, dep habarlaıdy QazAqparat tilshisi.
Qıraǵan tastardyń sýreti Ekologııalyq qaýymdastyqtyń Facebook jelisinde jarııalandy
Ekologtar ózenniń kaskadty tósemeleri alynyp tastalǵanyna narazylyq bildirdi. Olardyń aıtýynsha, kaskadtyń arqasynda ózenniń arqyraǵan aǵyny azaıady.
Sondaı-aq, qalanyń mıkroklımatyna jaıly, jazda aýany salqyndatady.
Qalalyq jasyl ekonomıka basqarmasy bul derekke qatysty túsinikteme berdi.
«Kishi Almaty ózeniniń jaǵalaýyn qaıta qalpyna keltirý jobasynyń aıasynda Bógenbaı kóshesimen qosymsha sý qubyryn ornatý josparlanǵan. Sý ótkizetin júıe eskirgen. Sý keıde joldarǵa shyǵyp ketedi, trotýarlardy basyp qalady. Alynǵan kaskad plıtalary joba boıynsha sý qubyry ornatylǵan soń qaıtadan tóseletin bolady», -dedi basqarmadan.
