Kishi Almaty ózeni joǵalyp ketýi yqtımal - Qorshaǵan ortany qorǵaý mınıstri
ASTANA. 11 maýsym. QazAqparat - Keleshekte Kishi Almaty ózeni joǵalyp ketýi múmkin. Búgin Májiliste elimizdiń ekoologııalyq máselelerine arnalǵan Úkimet saǵatynda Qorshaǵan ortany qorǵaý mınıstri Nurlan Qapparov osylaı málim etti
Mınıstrdiń málimetine qaraǵanda, halyqaralyq baǵalaýlar boıynsha jahandyq temperatýra ındýstrııalandyrýǵa deıingi kezeńmen salystyrǵanda 2 gradýstan astam kóterilgen. «Bul Jer sharynda alapat ózgeristerge alyp kelýde. Al Qazaqstanǵa keler bolsaq, klımattyń jylynýy jer sharyndaǵy ortasha kórsetkishpen salystyrǵanda jyldam qarqynda júrýde», - deıdi mınıstr. Onyń aıtýynsha, Tıan-Shan taýlaryndaǵy muzdyqtar kólemi HH ǵasyrdyń aıaǵyna qaraı 25 - 35 paıyzǵa qysqarǵan. «Atalǵan jylyný úderisi saqtala berse 2050 jylǵa qaraı alyp muzdyqtardyń basym bóligi is júzinde erýi ábden múmkin. Bunyń saldarynan Shý jáne Talas ózenderiniń aǵysy 2 esege azaıady. Al Kishi Almaty ózeni múldem joǵalyp ketýi múmkin. Bundaı jaǵdaı aýyl sharýashylyǵyn, ónerkásipti jáne halyqty sapaly sýmen qamtamasyz etýge zor qaýip-qater týdyrýy da yqtımal», - dedi Nurlan Qapparov.
