Kishi Almaty ózeni basseıninde qar kóshkini júrdi

ASTANA. QazAqparat - Kishi Almaty ózen alabynda №11 qar kóshkini jınaǵyshynda qar ózdiginen tústi, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, zertteý barysynda Kishi Almaty óndiristik bólim basshysy aýdany shamamen 300 m3 bolatyn qar kóshkini ózdiginen túskenin anyqtady. Qardyń túsken massasy «Medeý-Shymbulaq» avtojolyn jaýyp qaldy. Zardap shekkender men qıraǵan ǵımarattar joq. Joldy tazalaýdy «Qazseldenqorǵaý» MM Almaty qalalyq fılıaly júrgizdi.

Zertteý barysynda Kishi Almaty óndiristik bóliminiń basshysy Kishi Almaty ózeni alabynda kólemi shamamen 250m3 bolatyn №7 «Qaraqaptal» kóshkin jınaǵyshynda ózdiginen qar kóshkini túskenin anyqtady. Túsken qar massalary taý betkeıinde toqtady. Zardap shekkender men qıraýlar joq.

Osyndaı jaǵdaı 6 naýryzda Katon-Qaraǵaı aýdanynda 15-10-da oryn aldy. «Qazseldenqorǵaý» MM aqparaty boıynsha jergilikti mańyzy bar «Sogornoe aýyly-Barlyk aýyly» avtojolynda jalpy kólemi 3000 m3 qar kóshkininiń ózdiginen túsýi tirkelgen. Zardap shekkender joq. Qar kóshkini joldy tolyǵymen jaýyp tastady. JAO kúshimen jol tazalanyp jatyr. Qalpyna keltirý jumystaryna «Qazseldenqorǵaý» MM-niń qyzmetkerleri men tehnıkasy bardy.