Kishi Almaty men Esentaı ózenderine sý deńgeıin ólshetin qondyrǵy ornatylady

Baqytjan Saǵyntaev Kishi Almaty men Esentaı ózenderiniń sý bólý gıdrotehnıkalyq qurylysyn aralady.

Munda Baqytjan Saǵyntaevtyń tapsyrmasy boıynsha sý deńgeıin ólsheý úshin avtomattandyrylǵan qondyrǵylar ornatylady. Sonymen qatar, tsıfrlandyrylǵan sharýashylyq júrgiziledi. Bul sý deńgeıi týraly jedel aqparat alyp, sel qaýpi tóngen jaǵdaıda shara qoldanyp, ózen arnasyndaǵy sýdy baqylaýda ustap otyrýǵa múmkindik beredi. Odan bólek, tsıfrlandyrý málimetter bazasyn qurýǵa múmkindik beredi, onyń negizinde ózenniń maýsymdyq jaǵdaıyna taldaý júrgiziletin bolady. Osylaısha, qala turǵyndarynyń sel qaýipsizdigi qamtamasyz etiledi.

Jumys sapary barysynda megapolıs ákimi Esentaı ózeni arnasynyń Jamaqaev kóshesinen bastap uzyndyǵy 4,2 shaqyrym bolatyn sý qorǵaý jolaǵy men sý bólýge deıingi aralyqty rekonstrýktsııalaý jobasymen tanysty. Munda arnany keńeıtý jáne tereńdetý boıynsha daıyndyq jumystary júrgizilgen.

Nóser jańbyr saldarynan sý deńgeıiniń kóterilýine baılanysty keıbir jerlerde gabıon qurylymdary qulaǵan. Osyǵan oraı Baqytjan Saǵyntaev tireý qurylymdaryn montajdaǵan oryndaýshylardy jaýapkershilikke tartýdy tapsyrdy. Almaty ákimi eń berik qurylys materıaldaryn paıdalanýdy tapsyrdy.

Odan bólek, Baqatjan Saǵyntaev jaıaý júrginshi joly konstrýktsııasyn baspaldaqsyz etip ózgertý qajettigine nazar aýdardy. Osylaısha, tóselgen jolaqta serýendeý, ásirese kolıaskada balasy bar analar úshin yńǵaıly bolmaq.

Jaıaý júrginshi aımaǵy boıyna 350 syrtqy jaryqtandyrý tiregi, kishi sáýlet formalary, qoqys tógetin jáshikter, balalar oıyn alańdary men ótpeli kópir ornatylatyn bolady.

Megapolıs ákimi Tereńqurdaǵy jóndeý jumystarynyń sapasymen tanysty. Onyń aıtýynsha, osy jaıaý júrginshi baǵyty serýendeý aımaqtaryn qurýdyń úlgisi bolý qajet.

Tereńqurdy abattandyrý Kishi Almaty ózeni arnasy, sý bólýden bastap Dostyq dańǵylynan M. Maqataev kóshesindegi gıdrotehnıkalyq qurylǵylardy qamtıdy. Jer teliminiń uzyndyǵy – 8,9 shaqyrym. Arnany tazalaý men bekitý boıynsha negizgi jumystar atqaryldy. Endi irgeles aımaqty abattandyrý jumystary jalǵasýda. Anyqtalǵan kemshilikterden keıin merdiger óz esebinen asfalt tósep, bordıýrdi aýystyrady. Endi 11 balalar men sport alańdaryn, oryndyqtar, ýrnalar, modýldi sanıtarlyq qondyrǵylar, sý ishýge bolatyn sý burqaqtar ornatý qaldy. Odan bólek, ózenge Táttimbet kóshesinen Tereńqurǵa túsetin, bes jaıaý júrginshi kópiri uıymdastyrylady.

Almaty ákimi Baqytjan Saǵyntaev jaryqtandyrý men kóshe jıhazyn tańdaýda jaılylyqty, praktıkalyq, estetıkany jáne landshafttyń qorshaǵan ortamen úılesimdiligine mán berýdi tapsyrdy. Degenmen, oryndyq modelin yńǵaılylyǵyna qaraı qala turǵyndarynyń ózderi anyqtaǵany mańyzdy.

Sonymen qatar, Baqytjan Saǵyntaev Kishi Almaty ózeniniń Dostyq kóshesinen tómen Gogol kóshesine deıingi aımaqty jóndeý jumystarymen tanysty.

Megapolıs ákimi «Drýjba» skverin kógaldandyrý men abattandyrý, sondaı-aq, Tımırıazev kóshesindegi qurylysqa nemquraıly qaraǵan merdigerdiń kesirinen paıdalanýǵa berilý merzimi sozylyp ketken «Drýjba» saıabaǵynyń jumysynyń sapasyn baǵalady. Ákimniń tapsyrysy boıynsha barlyq jumystar 15 mamyrǵa deıin aıaqtalýy tıis. Bul rette tıisti organdar merdigerge qatysty kelisimshart talaptaryn buzǵany úshin, ári sapasyz qurylys materıaldaryn paıdalanyp, paıdalaýǵa berý merzimin keshiktirgeni úshin de quqyq qorǵaý organdary tekseris júrgizetin bolady. Odan bólek, nemquraıly qaraǵan merdigerdi qara tizimge engizý de qarastyrylýda.

Baqytjan Saǵyntaevtyń tapsyrmasy boıynsha Almatynyń Qala qurylysyn baqylaý basqarmasy qala keńistikterin retke keltirý merziminiń uzaryp, turǵyndardyń renishin týǵyzyp, jumysyna nemquraıly qaraıtyn merdigerler tizimin jasady. Qazirgi ýaqytta tolyq tekserý júrgizilip, buzýshylardyń lıtsenzııalary tartyp alynyp, olar týraly bar málimet qara tizimge engizilýde.

Qala ákimi atap ótkendeı, qala óz mindetin adal, sapaly, ári ózine júktelgen mindetti merziminde atqaratyn merdigerlerdi qoldaıdy. Óıtkeni qala turǵyndardyń jaılylyǵy ǵana emes, jalpy qoǵamdyq kóńil-kúı de osyǵan baılanysty.

Jumys sapary barysynda ákim Oqýshylar saraıy mańyndaǵy skverdi abattandyrý jumystarymen tanysty. Qala turǵyndarynyń qalaýy men sarapshylardyń qorytyndysy boıynsha jobaǵa túzetýler engizilgen bolatyn. Sonymen qatar, Baqytjan Saǵyntaev M. Áýezov teatry mańyndaǵy «Drýjba» skverin, sonymen qatar «Drýjba» saıabaǵyn abattandyrý men kógaldandyrý jumystarymen, Ǵ. Músirepov býlvaryn túrlendirý men Á.Qasteev murajaıy mańyndaǵy sý burqaqty qaıta qalpyna keltirý jobalarymen tanysty.

Qala ákimi atalǵan obektiler qurylysynda paıdalanylǵan granıt plıtkalar men bordıýr tastaryn qaıta qoldanýdy tapsyrdy, óıtkeni olar buzylmaǵan qalpy saqtalyp, áli kóp jyl qyzmet etetin bolady.

Oqýshylar saraıy, M. Áýezov teatry men Á.Qasteev atyndaǵy murajaı mańyndaǵy aımaqtarǵa 10 jyldan astam jóndeý jumystary júrgizilmegen. Kóptegen ýchaskeler, M.Áýezov teatrynyń artqy jaǵyndaǵy amfıteatr ýaqyt óte ydyrap ketken. Jaıaý júrginshi joly, oryndyqtar jaramsyz qalge kelgen, jaryq joq jáne sýburqaq jumys istemeıdi. Mysalǵa, Á.Qasteev murajaıy mańyndaǵy sýburqaq ótken ǵasyrdyń 70-shi jyldary salynǵan, odan beri jóndeýden ótpegen.

Joba avtorlarymen talqylaý barysynda qala ákimi Oqýshylar saraıy, M.Áýezov atyndaǵy teatr, Á.Qasteev atyndaǵy murajaı syndy belgili obektilerde avtordyń arhıtektýralyq túpki oıyn saqtap qalý kerektigine nazar aýdardy. Nátıjesinde, skverlerdi abattandyrý men jaıaý júrginshi aımaqtary jańa tynys alyp, qalalyqtardyń tartylys núktesi bolýy qajet. Bul qalanyń mádenıet obektilerine baratyndardyń sanyn arttyrady.

Almaty ákimi Baqytjan Saǵyntaevtyń tapsyrmasy boıynsha jobalardy túzetýde barlyq qalalyqtar úshin qoǵamdyq keńistikterdiń ekologııalyǵyna, tartymdylyǵyna jáne qol jetimdiligine jete mán beriletin bolady.