Kish Djordj Býsh óziniń sýret kórmesin ashpaq
ASTANA. QazAqparat - AQSh-tyń eks-prezıdenti kishi Djordj Býsh memleket basshysy qyzmetinen ketkennen keıin sýret ónerimen aınalysa bastady, endi ol óz kartınalarynyń kórmesin ashpaq, dep habarlady ITAR-TASS.
«Kóshbasshylyq óneri: prezıdenttiń jeke dıplomatııasy» atty ekspozıtsııa Dallastaǵy (Tehas) kishi-Býsh atyndaǵy prezıdenttik ortalyqta sáýir aıynyń basynda ashylmaq.
Kórmege burynǵy prezıdenttiń 20-ǵa tarta portreti qoıylady, dep málim etti uıymdastyrýshylar. Kelýshiler sondaı-aq kishi-Býshtyń sýretterimen jáne jazbalarymen tanysyp, onyń basqa da álemdik kóshbasshylarmen qarym-qatynastary jaıly egjeı-tegjeıli bile alady.
Eks-prezıdenttiń aıtýynsha, ol jańa ermegin Ýınston Cherchılldiń «Keskindeme ýaqyt ótkizý retinde» kitabyn oqyǵannan keıin qolǵa alǵan. Kishi-Býsh óziniń talantyn ushtaý úshin qazir ózi turatyn Dallasta sýret salýdan sabaq ta alǵan. Burynǵy amerıkandyq kóshbasshy ózimen tustas qyzmet jasaǵan 19 prezıdenttiń sýretin salmaq, eń aldymen Angela Merkeldiń beınesin salýǵa qulshynyp otyr.
