Qys bastalǵanda Shymkentte qozyquıryq ósip shyqty

Kúnniń jylylyǵynan Shymkentte qozyquıryq ósip jatyr, dep habarlaıdy Kazinform.

Ýálı Qydyr esimdi shymkenttik turǵyn qozyquıryq ósip turǵan aımaqty vıdeoǵa túsirip, jelige júktedi. Onda bir top jigitterdiń qozyquıryq terip júrgenin kórýge bolady.

«Baǵbandy alyp kelip jerdi kórsetpek bolyp edik, qozyquıryq ósip ketipti», - deıdi vıdeo avtory.

Al, tabıǵattyń tosyn syıyna kópshilik tańqalysyp, túrli pikirler jazyp jatyr. Olardyń arasynda «Qudaıdyń keremeti osy. Qazir álemde kún, aýa bári ózgeriste»,«Ne shyqsa da Shymkentten shyǵady degen osy», «Aýa-raıy kóktemmen sáıkes kelip turǵan shyǵar?», «Baqshada kóp shyǵyp jatyr ǵoı, terip alyp jeýge qorqyp otyrmyz»-dep jazylǵan jazbalar bar.

Aıta keteıik, budan aldyn Shymkent kóshelerine qys túskende gúl egilip jatqanyn jazǵan bolatynbyz.