Kiryu FM radıosy Dımashtyń jańa ánin alǵash ret efırge shyǵarady
ASTANA. KAZINFORM – 30 shilde kúni Japonııadaǵy Kiryu FM radıostantsııasy Qazaqstan men Qyrǵyzstannyń Halyq ártisi Dımash Qudaıbergenniń shyǵarmashylyǵyna arnalǵan Music Forever baǵdarlamasynyń kezekti arnaıy shyǵarylymyn usynady, dep habarlaıdy DimashNews.
Baǵdarlamanyń basty jańalyqtarynyń biri – ánshiniń «Aqerke» atty jańa kompozıtsııasy alǵash ret Kiryu FM radıosynyń efırinde shyrqalady.
Kiryu FM radıostantsııasy 2020 jyldan beri japon tyńdarmandaryn Dımash Qudaıbergenniń shyǵarmashylyǵymen turaqty túrde tanystyryp keledi. Osy ýaqyt aralyǵynda oryndaýshynyń barlyq jańa mýzykalyq týyndylary efırden berilip, onyń ónerine arnalǵan birneshe arnaıy baǵdarlama daıyndalǵan.
Kezekti Dimash Special shyǵarylymy Dimash Japan Fan Club japon jankúıerler klýbynyń ókilderiniń qatysýymen ázirlendi.
Baǵdarlama barysynda «Aqerke» ánimen qatar Love’s Not Over Yet, Kieli Meken, Love of Tired Swans, Daididau, Omir jáne Olimpico kompozıtsııalary da oryndalady.
Music Forever baǵdarlamasy Japonııanyń Gýmma prefektýrasyndaǵy Kırıý qalasynan júrgiziledi. Baǵdarlamany Kazýdzı Kato men Keko ıAmamoto usynady.
Baǵdarlama ár aıdyń birinshi jáne úshinshi beısenbi kúnderi Japonııa ýaqyty boıynsha saǵat 19:06-dan 19:59-ǵa deıin efırge shyǵady. Qaıtalama kórsetilimi kelesi kúni saǵat 11:06-da usynylady.
Al kúntizbede besinshi beısenbi bolatyn aılarda baǵdarlama ujymy tyńdarmandarǵa arnaıy mýzykalyq shyǵarylym daıyndaıdy.
Aıta keteıik, Meksıkada Dımash Qudaıbergenniń áýe sharlarynan 4,5 metrlik músini jasaldy.
