Qyrkúıekten Memlekettik eńbek ınspektsııasy komıteti jumysyn bastaıdy
ASTANA. KAZINFORM – Qyrkúıekten Memlekettik eńbek ınspektsııasy komıteti jumysyn bastaıdy. Bul týraly Aqmádı Sarbasov Eńbek jáne halyqty áleýmettik qorǵaý birinshi vıtse-mınıstri aıtty.
«Eńbek zańnamasynyń saqtalýyna memlekettik baqylaýdy kúsheıtý jáne jumyskerlerdiń eńbek quqyqtaryn qorǵaý úshin memlekettik eńbek ınspektsııasyn jergilikti atqarýshy organdardan ortalyq memlekettik organǵa berý máselesi birneshe ret kóterildi. Osy jyldyń shilde aıynda eńbek qatynastary boıynsha memlekettik baqylaý fýnktsııalary jergilikti atqarýshy organdardan Eńbek jáne halyqty áleým ettik qorǵaý mınıstrligine berildi», – dedi vıtse-mınıstr Ortalyq komýnıkatsııalar qyzmetindegi brıfıngte.
Onyń atap ótýinshe, bul jumysty sapaly júzege asyrý úshin Memlekettik eńbek ınspektsııasy komıteti jáne onyń aýmaqtyq departamentteri quryldy. Qyzmetkerlerdiń jalpy sany 322 shtattyq birlikti quraıdy. Bul rette eńbek ınspektorlarynyń sany 45 birlikke artady.
«2024 jylǵy qyrkúıek aıynan bastap memlekettik eńbek ınspektorlary shtattyq rejımde jumys isteıtin bolady. Nátıjesinde memlekettik baqylaýdyń satyly júıesi qurylatyn bolady, bul eńbek zańnamasynyń saqtalýyn baqylaýdy kúsheıtýge múmkindik beredi» – dedi Aqmádı Sarbasov.