Jambyl oblysynda eki balaǵa zorlyq kórsetken kúdikti qamaýǵa alyndy - ІІM

TARAZ. KAZINFORM — Jambyl oblysy Talas aýdanynda eki kámeletke tolmaǵan balaǵa qatysty júıeli túrde uryp-soǵý faktisi boıynsha qozǵalǵan qylmystyq istiń tergelýi Іshki ister mınıstri Erjan Sadenovtiń jeke baqylaýyna alyndy. Bul týraly ІІM resmı ókili Shyńǵys Álekeshev habarlady.

Resmı ókildiń dereginshe, qazirgi ýaqytta kúdikti ustalyp, ýaqytsha ustaý ızolıatoryna qamalǵan. Al jábirlenýshi balalarǵa qajetti medıtsınalyq jáne psıhologııalyq kómek kórsetilýde.

- Sonymen qatar atalǵan oqıǵaǵa baılanysty jergilikti polıtsııa qyzmetkerlerine qatysty qyzmettik tekseris bastaldy.

Іshki ister mınıstri bul isti jeke baqylaýyna aldy, – dep jazdy Shyńǵys Álekeshev óz paraqshasynda.

ІІM málimetine qaraǵanda, balalarǵa qatysty zorlyq-zombylyqtyń kez kelgen túri qatań túrde toqtatylyp, mundaı jaǵdaılarǵa prıntsıpti ári zań aıasynda shara qoldaný kózdeledi.

- Balalar qaýipsizdigi – absolıýtti basymdyq, – dep atap ótti Іshki ister mınıstri Erjan Sadenov.

Aıta keteıik, Jambyl oblysynyń 3 aýdanynda quqyqtyq tártipti kúsheıtý tapsyryldy.