Qyrkúıekte jyldyq ınflıatsııa 8,3% boldy: tarıf pen otynnyń baǵasy ósip ketken

ASTANA. KAZINFORM – 2024 jylǵy qyrkúıekte tutyný baǵalarynyń aılyq ındeksi baıaýlap 0,4% jetti (aǵymdaǵy jylǵy tamyzda – 0,6%). Aqyly qyzmetterdiń baǵasy 1%, azyq-túlik emes taýarlardyń baǵasy 0,6% ósti. Azyq-túlik taýarlary baǵasynyń ındeksi ózgerissiz qaldy. Bul týraly Ulttyq statıstıka bıýrosy málimdedi. 

Turǵyn úı-kommýnaldyq qyzmetter salasynda sýyq sýǵa tarıfter – 6,2%, sý burý men elektr energııasyna tarıfter 1,1%-dan ósti. Jeke jalpy bilim berý uıymdarynyń qyzmetterine baǵa deńgeıi 17,1%, kásiptik orta bilim berýge – 12,3%, joǵary bilim berýge 10,3% ósti.

Baǵanyń ósýi otynǵa – 2,9%, tas kómirge 2,5% baıqaldy. Avtokólik baǵasy 1,7%, jıhaz ben turmystyq zattar – 1,4%, kıim men aıaq kıim 0,9% ósti.

Azyq-túlik ónimderinen baǵa qııarǵa – 11,9%, apelsınge – 7,8%, jumyrtqaǵa – 6%, qyzanaqqa – 5,1%, kúnbaǵys maıyna 4,1% ósti. Baǵanyń tómendeýi kartopqa – 13,5%, sábizge – 11,9%, júzimge – 10,3%, pııazǵa – 10%, qyzylshaǵa 5,9% baıqaldy.

Óńirlerdiń ishinde eń joǵary aılyq ınflıatsııa Qyzylorda oblysynda – 1% (ortasha respýblıkalyq deńgeıden 0,6 p.t. joǵary), eń tómengi – Pavlodar, Mańǵystaý jáne Jambyl oblysynda.

Óńirler bólinisinde eń joǵary azyq-túlik taýarlarynyń baǵalary Mańǵystaý oblysynda – 0,6%, azyq-túlik emes taýarlaryna – Abaı oblysynda 2,1%, aqyly qyzmetterge – Qyzylorda oblysynda 2,7% ósti.

2024 jylǵy qyrkúıekte jyldyq mánde ınflıatsııa deńgeıi 8,3% qurady. Aqyly qyzmetterdiń baǵasy – 13,6%, azyq-túlik emes taýarlardyń baǵasy – 7,6%, azyq-túlik taýarlarynyń baǵasy 5,1% ósti.

2023 jylǵy qyrkúıekpen salystyrǵanda tarıfter ortalyqtan jylytýǵa – 33%, sýyq sýǵa – 29,4%, sý burýǵa – 24%, elektr energııasyna – 23,7%, qoqys shyǵarýǵa – 18,1%, ystyq sýǵa 17,4% ósti. Baılanys qyzmetteri – 15%, densaýlyq saqtaý qyzmetteri 11,6% qymbattady. Atsetılsalıtsıl qyshqylynyń baǵasy – 48,9%, belsendirilgen kómirge – 31%, hılak fortege – 25%, paratsetamolǵa 16% ósti. Qyzanaq – 28,2%, sarymsaq – 25,6%, qııar – 22,5%, banan 12,9% qymbattady. Kerisinshe, jyldyq mánde qyryqqabat – 26,5%, qaraqumyq jarmasy – 22,5%, lımon – 18,4%, sábiz – 12,8%, kúnbaǵys maıy 12,1% arzandady.

Inflıatsııa deńgeıin sıpattaıtyn tutyný baǵalary ındeksiniń kórsetkishi aı saıyn esepteledi. Baqylaýlar qyzmetter men taýarlardyń tarıfteri men baǵalary – barlyǵy 508 pozıtsııa boıynsha júrgiziledi. Inflıatsııa boıynsha dınamıkalyq ózgeristerdi 2018 jyldan bastap kórsetkishter qamtylǵan arnaıy ázirlengen ınteraktıvti dashbordta kórýge bolady.

2024 jylǵy qańtardan bastap tutyný baǵalarynyń ındeksin eseptegende azyq–túlik taýarlarynyń úlesi – 42,0%, azyq-túlik emes taýarlar – 29,8%, aqyly qyzmetter 28,2% boldy.