Qyrkúıekte shekarashylar 4 myńnan astam zań buzýshyny ustady
ASTANA. KAZINFORM - UQK Shekara qyzmeti 2026 jylǵy qyrkúıekte Memlekettik shekarany kúzetý men qorǵaýdy qamtamasyz etý aıasynda quzyrly organdarmen ózara is-qımyl jasap, shekara keńistiginde Qazaqstan zańnamasyn buzǵan 4 138 adamdy ustady. Onyń ishinde 3 502-si – shetel azamattary.
Sondaı-aq shekara arqyly 2,5 mlrd teńge somasynda taýarlar men júkterdi zańsyz ótkizýdiń 1 598 faktisiniń aldy alyndy.
Onyń ishinde:
- 37 fakti – esirtki zattaryna qatysty;
- 62 fakti – qarýlar men oq-dárilerge qatysty. Onyń ishinde 2 dana travmatıkalyq qarý, 2 dana gaz qarýy jáne 77 dana oq-dári bar;
- 816 fakti – kólemi 80 tonnadan asatyn, jalpy somasy 24,1 mln teńge bolatyn janar-jaǵarmaı materıaldaryna qatysty;
- 549 fakti – jalpy somasy 1,3 mlrd teńgeden astam halyq tutynatyn taýarlarǵa qatysty;
- 134 fakti – somasy 1,2 mlrd teńgeden astam valıýtaǵa qatysty.
Kaspıı teńiziniń akvatorııasynda brakonerlikpen aınalysýdyń 48 faktisiniń aldy alyndy. 41,7 km brakonerlik qural, sondaı-aq 145 dana (840 kg) bekire tuqymdas balyq tárkilendi. Aldyn alǵan shyǵyn somasy 350 mln teńgeden astamdy qurady.
Quzyreti sheńberinde Shekara qyzmeti 66 qylmystyq is qozǵap, tergeý sharalary júrgizilip jatyr.
Sonymen qatar 34 mln teńgeden astam aıyppul salynǵan 3 607 ákimshilik is óndiriste.
-Qalǵan faktiler boıynsha materıaldar protsessýaldyq sheshimder qabyldaýy úshin quqyq qorǵaý jáne sot organdaryna jiberildi,-delingen habarlamada.
Aıta keteıik, Memleket bashsysy Qasym-Jomart Toqaev ıÝRIKS jıynynda transshekaralyq ınfraqurylymǵa tóngen qaýip týraly aıtqan bolatyn.
