Qyrkúıekte prokatqa shyǵatyn jańa fılm kóp: osy aptadaǵy premeralar
ASTANA. KAZINFORM — Osy aptada otandyq kınoqorjyny úsh birdeı týyndymen tolyqty. Jańa fılmderdiń deni drama men tarıhı janrdy qamtıdy. Al sheteldik kınolar qatarynda kórermen nazaryna qorqynyshty ári shytyrman oqıǵaǵa toly bes fılm usynyldy. Balalar men jasóspirimder de nazardan tys qalǵan joq. Olar úshin ártúrli janr men baǵyttaǵy úsh jańa týyndy jaryq kórdi.
Kazinform tilshisiniń sholýynda osy aptadaǵy eń basty kınopremeralardy usynamyz.
Kollaj: Kazinform / Kinopoisk.ru
38 sońǵy núkte
Janry: drama, apat
Uzaqtyǵy: 79 mınýt
El: Qazaqstan, 2026 jyl
Rejısseri: Tórebek Beısebaev
2023 jyly Semeı ormanynda el tarıhyndaǵy iri órtterdiń biri tutanady. Tájirıbeli ormanshylar Marat, Ǵanı, Raýan jáne olardyń áriptesteri jalynnyń ortasynda qalady. Órttiń artynda zańsyz aǵash kesýmen aınalysatyn qylmystyq top turǵanyn anyqtaǵan ormanshylar adamdardy qutqarýǵa kirisedi. Biraq órt kúsheıgen saıyn árqaısysy otbasy, ar-ojdan jáne adamgershilik arasyndaǵy eń aýyr tańdaý aldynda qalady.
Famılııa
Janry: krımınal, drama
Uzaqtyǵy: 94 mınýt
El: Qazaqstan, 2026 jyl
Rejısseri: Nurjigit Myńbaev
Marat sáýletshi bolýdy armandaıdy. Aǵasy qala ákimi bolǵan soń, onyń aldynda jańa múmkindikter ashylady. Alaıda aǵasynyń yqpaly Maratty qylmystyq ortaǵa tartyp, qaýipti iske aralastyrady. Endi ol óz famılııasyna emes, óz abyroıyna súıenip, bul jaǵdaıdan shyǵýdyń jolyn tabýy kerek.
Jeńis balasy
Janry: áskerı, drama, tarıhı
Uzaqtyǵy: 80 mınýt
El: Belarýs, Qazaqstan, Reseı, 2026 jyl
Rejısseri: Aınur Asqarov
18 jastaǵy poshtashy Azamat Dosanov maıdanǵa baryp, erlik kórsetýdi armandaıdy. Azamattyń kórý qabileti nashar bolǵanymen, estý qabileti óte jaqsy edi. Ol ár dybysty qalt jibermeı estıtin. Osy ereksheliginiń arqasynda Azamat áskerı izdeý jumysyna kómektesedi. 1943 jyly qupııa júk tıelgen keńestik ushaq Belorýssııanyń batpaqty jerine qulaıdy. Ushaqty izdeýge nemis dıversanttary men keńestik barlaý toby attanady. Orman men batpaqtaǵy izdeý jumysy kóp uzamaı qaýipti qaqtyǵysqa ulasady. Barlaýshylar jaýmen betpe-bet kelip, aman qalý úshin kúresedi. Al Azamat soǵystyń qatygez shyndyǵymen betpe-bet qalady.
Munara 2, (Vyshka 2)
Janry: drama, trıller
Uzaqtyǵy: 110 mınýt
El: AQSh, Ulybrıtanııa, Taıland, 2026 jyl
Rejısseri: Maıkl Spırıg, Pıter Spırıg
Shaılo Hanter B67 munarasynda qaza tapqannan keıin onyń vıdeolary ǵalamtorǵa tarap, ózi ekstremaldar arasynda tanymal tulǵaǵa aınalady. Alaıda ápkesi Djaks onyń ólimin qabyldaı almaıdy. Bir kúni ápkesi Shaılo baǵyndyrýdy armandaǵan eń qaýipti oryndardyń tizimin taýyp alady. Ol sińlisiniń armanyn jalǵastyrý úshin Taılandtaǵy bıiktigi 2070 metr Kvan taýyna attanady. Djaksqa sińlisiniń bala kúngi dosy Lıza men jergilikti gıd Djon qosylady. Olar shyńǵa jetýi kerek. Áıtpese Djaksty da Shaılonyń taǵdyry kútip tur.
Krıpıpasta: Kók SÁBI, (Krıpıpasta: Sınıı malysh)
Janry: ýjas
Uzaqtyǵy: 71 mınýt
El: AQSh, 2026 jyl
Rejısseri: Serdjo Gonsales, Brendon Pıskorık, Korı Benson Paýers
Jastar áleýmettik jelide taraǵan «Kók sábı» rásimin qaıtalaıdy. Aına aldynda qorqynyshty oqıǵa aıtyp, sábı rýhyn shaqyrady. Alaıda rýhtyń oıyny bastalyp, jastardyń ómirine qaýip tónedi. Olar aman qalý úshin onyń qarǵysynyń syryn ashýy kerek.
Qorqynysh qursaýynda, (Vo vlastı straha)
Janry: boevık, trıller
Uzaqtyǵy: 96 mınýt
El: AQSh, Ispanııa, 2026 jyl
Rejısseri: Djessı Djonson
Bes dos demalysqa shyǵyp, aq akýlalardy jaqynnan kórý úshin torǵa qamalyp, teńiz túbine súńgıdi. Alaıda qaıyqqa qarýly kontrabandashy kelip, sýǵa batqan júkti alyp shyǵýdy talap etedi. Osylaısha olardyń demalysy qaýipti kúreske aınalady.
Ólimmen oınaý, (Sygrat v ıaşık)
Janry: krımınal, trıller
Uzaqtyǵy: 116 mınýt
El: Ulybrıtanııa, Ispanııa, Bolgarııa, 2026 jyl
Rejısseri: Martın Kempbell
Djek 30 mıllıon dollar saqtandyrý ótemaqysyn alý úshin óz ólimin qoldan uıymdastyrmaq bolady. Alaıda bul iske kómektesýge kelisken áıeli Noranyń óz jospary bar. Ol Djekti shyn máninde óltirmek.
Júgirýshi, (Begýşaıa)
Janry: boevık, drama, trıller
Uzaqtyǵy: 84 mınýt
El: Ulybrıtanıa, AQSh, 2026 jyl
Rejısseri: Kevın Makdonald
Maııa — tabysty advokat. Ol mansabyndaǵy eń mańyzdy sot protsesine daıyndalyp júredi. Alaıda tańerteń saıabaqta júgirip júrgende, oǵan belgisiz adam telefon shalyp, kishkentaı ulynyń urlanǵanyn habarlaıdy. Balany qutqarý úshin Maııa psıhopattyń tapsyrmalaryn oryndap, Londondy júgirip ótýi kerek. Onyń ár sheshimi balasynyń taǵdyryna áser etedi. Al ýaqyt ótip barady.
Mıa jáne qubyjyqtar, (Mıa ı monstry)
Janry: shytyrman oqıǵaly komedııa, mýltfılm, fentezı
Uzaqtyǵy: 81 mınýt
El: Germanııa, Avstrııa, Ispanııa, 2026 jyl
Rejısseri: Verena Fels
Mıa tuıyq, kóp adammen til tabysa bermeıdi. Ol ózi turatyn qala turǵyndaryna qubyjyqtardyń bar ekenin dáleldegisi keledi. Bir kúni Mıa egeýquıryq dosy Kventınmen birge qubyjyq balalar oqıtyn Rotvýd akademııasyna túsedi. Ol munda adam ekenin jasyrýǵa májbúr bolady. Mıa jańa dostar taýyp, adamdar men qubyjyqtardy tatýlastyrýdyń jolyn izdeıdi.
Áke men bala: Alyptar áleminde (Dorogaıa, ıa ýmenshıl syna)
Janry: shytyrman oqıǵa, komedııa, mýltfılm, fantastıka
Uzaqtyǵy: 91 mınýt
El: Qytaı, 2024 jyl
Rejısseri: Lıý Kesın
Bala men ákesi kútpegen jerden kishireıip, basqa álemge tap bolady. Onda tipti úı janýarlarynyń ózi alyp ári qaýipti. Úıge oralý úshin olar talaı synaqtan ótip, kedergilerdi eńserýi kerek. Osy saparda áke men bala bir-birine súıenip, naǵyz komandaǵa aınalady. Fılmde batyldyq, dostyq jáne áke men bala arasyndaǵy baılanys baıandalady.
Zattardyń qupııa ómiri, (Taınaıa jızn veşeı)
Janry: drama, fentezı
Uzaqtyǵy: 92 mınýt
El: Kanada, Jańa Zelandııa, 2026 jyl
Rejısseri: Endrıý Nıkkol
Jas Tom aınalasyndaǵy kez kelgen zattan kúlkili júzderdi kóredi. Ol sol zattarmen dostasyp, olardy ózine jaqyn tartady. Tipti onyń úsh súıikti dosy — oıatqysh, qańyltyr quty men qaǵaz paket bólmesinde birge turady. Alaıda Tomnyń erekshe dostary ógeı ákesiniń ashýyna tıedi. Ol olardan jansyz qoqystan basqa eshteńe kórmeı, bir kúni úsheýin qoqys polıgonyna aparyp tastaıdy. Endi Tomnyń basty maqsaty — eski dostaryn qalaı da qutqaryp qalý. Osy jolda ol jańa dostar tabady.
Ótken aptadaǵy kınopremeralar tizimin osy jerden kóre alasyzdar.
