Qyrkúıekte aılyq ınflıatsııa 0,6% qurady
ASTANA. KAZINFORM – 2026 jylǵy qyrkúıekte aılyq ınflıatsııa tamyz aıyndaǵy deńgeıde saqtalyp, 0,6% qurady, dep habarlaıdy Ulttyq statıstıka bıýrosy.
Bıýro málimetterine qaraǵanda, aı ishinde kókónister men azyq-túlik ónimderiniń jekelegen túrleriniń baǵasy tómendedi.
Atap aıtqanda, pııazdyń baǵasy 20,7%, lımon – 13,9%, sábiz – 13,6%, kartop – 13,4%, baklajan – 11,2%, qyryqqabat – 10,1%, tátti burysh – 6,5%, alma – 5,3%, almurt – 2,4%, sarymsaq – 1,3%, banan – 0,7% tómendedi. Sondaı-aq balalar taǵamyna arnalǵan botqalardyń baǵasy 6,1% jáne qumshekerdiń baǵasy 1,3%, tómendedi.
Azyq-túlikke jatpaıtyn taýarlardyń ishinde qol kreminiń baǵasy 6,9%, balalar jaıalyqtary – 6,6%, teledıdar – 5,6%, ydys jýatyn mashınalar men qysqa tolqyndy peshter – 1,8%, dýshqa arnalǵan gel – 1,4% arzandady.
2026 jylǵy qyrkúıekte jyldyq mándegi ınflıatsııa 9,3% qurady (2026 jylǵy tamyzda – 9,8%). Azyq-túlikke jatpaıtyn taýarlardyń baǵasy 11,0%, aqyly qyzmetter – 8,9%, azyq-túlik taýarlary – 8,5% ósti.
2025 jylǵy qyrkúıekpen salystyrǵanda jemis-kókónis ónimderiniń jekelegen túrleriniń baǵasynyń tómendeýi jalǵasty. Atap aıtqanda, almanyń baǵasy 11,1%, lımon – 8,3%, qyzylsha – 6,9%, qyryqqabat – 6,1%, banan – 5,6%, tátti burysh – 3,9% tómendedi.
Azyq-túlikke jatpaıtyn taýarlardyń ishinde 2025 jylǵy qyrkúıekpen salystyrǵanda avtomobılderdiń baǵasy 11,3%, elektr jylytqyshtar – 9,1%, kondıtsıonerler – 8,7%, elektr ettartqyshtar – 5,6%, balalar konstrýktorlary – 2,6%, medıtsınalyq maskalar – 1,7% arzandady.
Osyǵan deıin Ulttyq bank 2027 jyly eldegi ınflıatsııa qandaı deńgeıde bolatynyn boljaǵan bolatyn.
