Qyrkúıek aıynda shekarashylar 3,3 mlrd teńge shyǵynnyń aldyn aldy

QR Ulttyq qaýipsizdik komıteti Shekara qyzmeti qyrkúıek aıynda áshkerelengen shekara buzý, zańsyz zat alyp ótý, brakonerlik syndy qylmystardyń statıstıkasyn jarııalady, dep habarlaıdy QazAqparat. 

UQK Shekara qyzmeti Memlekettik shekarany kúzetý men qorǵaýdy qamtamasyz etý aıasynda 2023 jylǵy qyrkúıekte quzyrly organdarmen ózara árekettese otyryp, 2 895 QR zańnamalaryn buzýshyny ustady, al jyl basynan beri mundaı 19 795 adam anyqtaldy.

Shekarashylar 989 zańsyz zat alyp ótý faktisiniń aldyn aldy, sonyń ishinde:

86 – jalpy salmaǵy 50 kg esirtki zattary;
16 – atys qarýy men oq-dáriler (7 dana atys qarýy, 67 dana oq-dári);
402 – jalpy somasy 10 mln teńgeden joǵary janar-jaǵarmaı materıaldary (47 423 lıtr);
363 – quny 2 mlrd teńgeden astam halyq tutynatyn taýarlar;
98 – somasy 1 mlrd teńgeden joǵary valıýta;
jalpy somasy 1 mlrd teńge bolatyn 48 kg zergerlik buıym (altyn) tárkilendi.

Kaspıı akvatorııasynda 59 brakonerlik faktisiniń joly kesilip, myna zattar tárkilendi:

Onyń ishinde jalpy uzyndyǵy 150 km bolatyn tor;

2 dana júzý quraly;

1 434 dana (9 408 kg) bekire tuqymdas balyq;

1 689 dana (5 219 kg) usaq tuqymdas balyq.

Osy zańbuzýshylyqtar iske asqan jaǵdaıda, memleketke keletin zalal somasy 3 mlrd 279 mln teńgeni quraıtyn edi.

Bul faktiler boıynsha materıaldar quqyq qorǵaý jáne sot organdaryna jiberildi.

Qyrkúıek aıynda Memlekettik shekarada qandaı da bir shekteý sharalary engizilgen joq, barlyq ótkizý pýnktteri shtattyq rejımde jumys istedi.