Qyrkúıek aıynda eldegi mektepter jańa as mázirine ótedi

ASTANA. KAZINFORM – Oqý-aǵartý vıtse-mınıstri Edil Ospanov mektepterdegi as máziri qashan jáne qalaı ózgeretinin aıtty.

- Byltyr mektepterdegi tamaqtaný normalary qaıta qaralǵan bolatyn. Osy qaıta qaraý kezinde tuz ben táttilerdiń mólsherin azaıtý engizildi. Mektep býfetterinde bala densaýlyǵyna zııandy zattardyń, gazdalǵan sýsyndardyń satylýyna tyıym salynǵanyn bilesizder, - dedi ol vedomstvonyń alqa májilisinde.

Vıtse-mınıstrdiń sózinshe, budan bylaı mekteptiń ashanasynda oqýshylarǵa qandaı tamaq beriletinin densaýlyq saqtaý salasynyń mamandary ǵana aıqyndaı alady.

- Al jańa mázir týraly aıtsaq, alǵash ret osyndaı sheshim qabyldanǵaly jatyr. Mektepterdegi tamaqtandyrý normalary álemdik standarttarǵa sáıkestendirildi. Osy standarttyń aıasynda budan bylaı mektepterdiń as mázirin densaýlyq saqtaý mamandary bekitedi. Bul kelesi oqý jylynda, ıaǵnı, bıylǵy qyrkúıek aıynan bastap iske qosylady, - dedi Edil Ospanov.

Buǵan deıin 2026 jyldan bastap qaı pánderge jasandy ıntellekt quraldary engiziletini týraly jazǵan bolatynbyz. Sonymen qatar keıbir mektepterde oqý pánderi biriktirilýi múmkin ekendigi týraly jazǵan edik.