62 qarý-jaraq tárkilendi: UQK 12 óńirde arnaıy shara júrgizdi

ASTANA. KAZINFORM — UQK qyrkúıek aıynda 62 qarý-jaraq, onyń ishinde 3 Kalashnıkov avtomaty, 16 tapansha, 43 myltyq, 4 granata jáne 4 myńnan astam oq-dári tárkiledi. 

Memleket basshysynyń tapsyrmasyn oryndaý úshin Ulttyq qaýipsizdik komıteti qarý-jaraq pen oq-dárilerdiń zańsyz aınalymyna qarsy is-qımyl baǵytynda júıeli sharalar qabyldap jatyr.

2025 jylǵy qyrkúıekte UQK polıtsııa organdarymen birlesip jáne prokýratýranyń úılestirýimen Almaty, Shymkent qalalarynda, Atyraý, Jambyl, Qaraǵandy, Qyzylorda, Almaty, Batys Qazaqstan, Túrkistan, Ulytaý, Abaı, Jetisý oblystarynda qarý-jaraqty izdestirý jáne zańsyz aınalymnan alý boıynsha birqatar jedel-izdestirý is-sharasyn júrgizdi.

62 qarý-jaraq, onyń ishinde 3 Kalashnıkov avtomaty, 16 tapansha, 43 myltyq, 4 granata jáne 4 myńnan astam oq-dári tárkilendi.

2022 jylǵy qańtarda urlanǵan 10 qarý-jaraq anyqtaldy. Kórsetilgen faktiler boıynsha jedel-tergeý is-sharalary júrgizilip jatyr. Bul baǵyttaǵy jumys jalǵasyp jatyr.

Aıta ketelik Aqmola oblysynda qarý men oq-dáriler tabylǵan edi.