Kiristeri eń tómengi ómir súrý kórsetkishinen az azamattar sany ótken jyldyń tórtinshi toqsanynda 3,4 paıyzdy qurady
ASTANA. 14 naýryz. QazAqparat - Kiristeri eń tómengi ómir súrý kórsetkishinen az úı qojalyqtarynyń jaǵdaıyna júrgizilgen tekserý jumystarynyń nátıjesi ótken jyldyń tórtinshi toqsanynda 3,4 paıyzdy qurady. Bul málimetterdi búgin elimizdiń Statıstıka agenttigi taratty.
Agenttik málimetterine qaraǵanda, bul ótken jyldyń sáıkes merzimimen salystyrǵanda, 1,7 paıyzǵa az bolyp otyr. Kiristeri eń tómengi ómir súrý kórsetkishinen tómen aýyl turǵyndarynyń sany qala turǵyndarynyń osy sanattaǵy halqynyń sanynan 5 esege kóp. Osy sanattaǵy turǵyndar sany ótken jyldyń birinshi toqsanynda Ońtústik Qazaqstan oblysynda kóp boldy. Atalmysh aımaqta bul kórsetkish 7 paıyzdy qurady. Budan keıingi oryndarda 5,8 paıyzben Soltústik Qazaqstan oblysy, 5,2 paıyzden Mańǵystaý oblysy, 4,9 paıyzben Batys Qazaqstan oblystary tur. Al Aqmola men Atyraý oblystarynda bıylǵy kórsetkish ótken jylǵymen birdeı bolyp otyr.
Aqmola oblysynda turmysy nasharlar sany aýyl halqy kiristeriniń tómendiginen bolyp otyr. Al Atyraý oblysyndaǵy jaǵdaıǵa qalalyqtardyń da, aýyldaǵylardyń da kiristeriniń tómendigi áser etken. Kiristeri eń tómengi ómir súrý kórsetkishinen az azamattar sany Almaty men Astana qalalarynda jáne Almaty oblystarynda baıqaldy.
