Kiristerdi jylystatý jáne terrorızmdi qarjylandyrýǵa qarsy is-qımyl kúsheıtilmek
Qarjylyq monıtorıng agenttiginen málim etkendeı, Tujyrymdama halyqaralyq standarttardy, sondaı-aq kiristerdi jylystatý men terrorızmdi qarjylandyrýdyń ózekti qaterlerin eskere otyryp ázirlengen.
Azamattar men qarjylyq monıtorıng sýbektileri arasynda kiristerdi jylystatýǵa jáne terrorızmdi qarjylandyrýǵa qarsy is-qımyl máseleleri (budan ári – AJ/TQQ) boıynsha keń aýqymdy aqparattyq jumys júrgizý josparlanyp otyr. Joǵary oqý oryndarynda, kolledjderde jáne mektepterde qarjylyq qaýipsizdik taqyrybynda dárister ótkiziledi. Bul jumys ákimdiktermen jáne múddeli memlekettik organdarmen birlesip júıeli negizde júrgiziledi.
Qazirgi ýaqytta AJ/TQQ salasyndaǵy mamandardy daıarlaý jáne olardyń biliktiligin arttyrý úshin oqý baǵdarlamasy joq. Tujyrymdamany iske asyrý jaǵdaıdy ózgertýge múmkindik beredi. Osy maqsattar úshin mamandandyrylǵan oqý ornyn qurýǵa arnalǵan jumystar bastaldy.
Sondaı-aq, qarjylyq monıtorıng sýbektileriniń, ózge de uıymdar men azamattardyń quqyqtyq jaǵdaıyn naqtylaý bóliginde FATF standarttaryn ulttyq zańnamaǵa ımplementatsııalaý jalǵasyp jatyr. Aktıvterdi buǵattaý jónindegi sharalardy iske asyrý nátıjesinde quqyqtary buzylǵan adal úshinshi tulǵalardyń quqyqtaryn qorǵaýdy qamtamasyz etetin tetikter kózdelgen.
Qujat sonymen qatar, qoldanystaǵy AJ/TQ júıesin jetildirýdi qarastyrady. Osy maqsatta qarjylyq monıtorıng sýbektileriniń kúdikti qyzmet týraly habarlamalardy habarlaý praktıkasy engiziledi. Qarjylyq barlaý bólimshesiniń Taldamalyq áleýetin bıýdjet qarajatynyń jumsalýyn monıtorıngileý úshin paıdalaný josparlanyp otyr. Kiristerdi jylystatý jáne terrorızmdi qarjylandyrý táýekelderiniń bolýyna jańa qarjylyq qyzmetter taldanady.
Kiristerdi jylystatý táýekelderin anyqtaýdyń jedeldigi bıznes-protsesterdi avtomattandyrý, Aqparattyq júıeler bazalaryn ıntegratsııalaý, úlken derekterdi taldaý quraldaryn engizý esebinen qamtamasyz etiledi.
Qarjylyq monıtorıng sýbektileri men memlekettik retteýshi organdardyń belsendi ózara is-qımyly úshin Agenttik portalynyń fýnktsıonalyn pysyqtap jetildirý kózdelgen.
Tsıfrlyq aktıvter naryǵynyń qarqyndy ósýi kiristerdi jylystatýdy jáne olardy paıdalaný arqyly jasalǵan terrorızmdi qarjylandyrýdy monıtorıngileý jáne boldyrmaý jónindegi mindetterdi qosýǵa sebep boldy. Tujyrymdamada qarjylyq monıtorıng sýbektileri úshin tsıfrlyq aktıvterdiń aınalymyna baılanysty kúdikti operatsııalar týraly habardar etý rejımin kúsheıtý kózdelgen.
Osy mindetti iske asyrý úshin Agenttik Binance halyqaralyq krıptobırjasymen yntymaqtastyq týraly Memorandýmǵa qol qoıdy. Onyń negizgi maqsaty – qylmystyq jolmen alynǵan, sondaı-aq kiristerdi jylystatýǵa jáne terrorızmdi qarjylandyrýǵa arnalǵan tsıfrlyq aktıvterdi paıdalana otyryp, operatsııalardy belgileý jáne buǵattaý boıynsha aqparat almasý.
Zańsyz qarjylyq operatsııalardy qadaǵalaý jónindegi jumysqa IT quraldar engizilmek. Qylmystyq ister boıynsha zattaı dáleldemelerdi alý, esepke alý, saqtaý, berý jáne joıý tártibi tsıfrlyq aktıvterge baılanysty erekshelikterdi qosý bóliginde qaıta qaralady.
AJ/TQQ salasyn damytýdyń negizgi baǵyttarynyń biri – qylmystyq kiristerdi izdeý jáne qaıtarý. Bul mindetti iske asyrý úshin kapıtal jylystaıtyn ıýrısdıktsııalarmen sharttyq-quqyqtyq bazany keńeıtý, aktıvterdi izdeý boıynsha IT quraldaryn engizý josparlanǵan.
Foto: farmacontabil.com
