Kirister, salyqtyq túsimder boıynsha boljamdar ózgeriske ushyrady - Qýandyq Bıshimbaev
«Ekonomıkalyq ósim turǵysynda mańyzdy baǵyttyń biri jer qoınaýyn paıdalanýshylarǵa salyq salý saıasatyna baılanysty. Jer qoınaýyn paıdalanýshylar úshin aǵymdaǵy salyqtyq rejimge toqtalsaq, búginde munaı óndirý salasynda ekonomıka ózgeriske ushyraǵanyn barshamyz túsinip otyrmyz. Munaı baǵasyna uzaqmerzimdi deńgeı qalaı qalyptasatyny belgisiz, alaıda aldaǵy 5-7 jylda baǵa burynǵy deńgeıge jetýi ekitalaı ekeni jalpy boljamdarda aıtylýda. ıAǵnı, biz jańa shynaıylyqqa aıaq basýdamyz. Bul rette kirister, salyqtyq túsimder boıynsha boljamdar ózgeriske ushyrady. Bizde, Qazaqstanda ózindik erekshelikteri bar, osy oraıda óndirisin arttyrǵan ken oryndary bar, sonymen qatar óndirý kólemi quldyraǵan ken oryndary da baıqalýda»,-dedi Q. Bıshimbaev.
Onyń sózine qaraǵanda, shıkizatty óndirý deńgeıin belgili bir kólemde ustap turý úshin ınvestıtsııa salý qajet. Biraq, aǵymdaǵy baǵa deńgeıi qazirgi salyqpen osy baǵytta tıisti jumystardy atqarýǵa múmkindik bermeıdi.
«Jaqyn arada bul máseleni talqylaımyz. Óndirý kólemi tómendep kele jatqan munaı kásiporyndaryna qoldaý jasalady. Bul rette bizdiń eń basty ustanymdarymyzdyń biri - qalyptasqan kiris bazasyn joǵaltpastan, kompanııalarǵa qajetti yntalandyrýshy tetikterdi berý eskerilip otyr. Osyndaı tabysty tájirıbe bizde bar jáne ony talqylaýdamyz. Erteń arnaıy jumys tobynyń otyrysyn ótkizip, onda jer qoınaýyn paıdalanýshylarymen egjeı-tegjeıli talqylaý bolady»,-dedi mınıstr.
Q. Bıshimbaevtyń paıymynsha, álemde shıkizatqa suranys baıalaýyna baılanysty elimizde de osy baǵytta tıisti ahýal baıqalýy múmkin. Buǵan energııanyń kóptegen balama kózderiniń paıda bolýy yqpal etýde.