Kirister komıteti elektrondy shot-faktýranyń qaǵaz kóshirmesine qatysty synǵa jaýap berdi

NUR-CULTAN. QazAqparat - Áleýmettik jelilerde elektrondy shot-faktýranyń qaǵaz kóshirmesiniń bolmaýyna baılanysty qııardy Reseı Federatsııasyna eksporttaý kezinde avtokólik quralynyń shyǵýyna tyıym salý faktisi týraly aqparat taratylýda. Bul oqıǵaǵa Memlekettik kirister komıteti túsinikteme berdi, dep habarlaıdy QazAqparat.

Komıtet Qazaqstan Respýblıkasy DSU-na kirý barysynda úshinshi elderden ımport kezinde DSU-nyń tómendetilgen mólsherlemeleri boıynsha kedendik bajdar tólengen taýarlardy, EAEO elderine áketýge jol bermeý boıynsha mindettemeler qabyldaǵanyn eske salady.

Eýrazııalyq úkimetaralyq keńestiń 2016 jylǵy 12 tamyzdaǵy № 5 sheshimimen Qazaqstan Respýblıkasynyń aýmaǵynan, EAEO aýmaǵyna alyp qoıý Tizbesine engizilgen taýarlardy ótkizý kezinde, taýarǵa ilespe júkqujat retinde aýmaqtyq memlekettik kirister organynyń mórimen kýálandyrylǵan elektrondy shot-faktýranyń (EShF) qaǵaz kóshirmesi bolyp tanylady.

EEK-tiń 2019 jylǵy 19 sáýirdegi sheshimimen SEQ TN kody 0707000504 «Qııar» taýarlardyń alyp qoıý Tizbesine engizildi.

Osyǵan baılanysty, alyp qoıý Tizbesine engizilgen taýarlardy áketý úshin memlekettik kiris organdary kýálandyrǵan EShF kóshirmesi mindetti túrde bolýy qajet.

Jalpy, EShF qaǵaz kóshirmesin memlekettik kirister organdarymen kýálandyrý 2015 jyldan bastap júzege asyrylady jáne qujattardy Tizbeden taýarlardy áketý sharttaryna sáıkestigin tekserý qajettiligine negizdelgen.

Memlekettik kirister komıteti syrtqy ekonomıkalyq qyzmettiń barlyq qatysýshylaryn Qazaqstan Respýblıkasy men Odaq elderiniń zańnama normalaryn saqtaýǵa shaqyrady.

Barlyq suraqtar boıynsha Call-ortalyǵyna 1414 nómiri boıynsha habarlasýǵa bolady