Kirisin joǵaltqan azamattarǵa beriletin tólem boıynsha buıryq búgin shyǵady

NUR-SULTAN. QazAqparat – Tótenshe jaǵdaı engizý saldarynan kirisin joǵaltqan adamdarǵa tólenetin qarajat máselesi boıynsha Eńbek jáne halyqty áleýmettik qorǵaý mınıstriniń buıryǵy búgin shyǵady, dep habarlaıdy QazAqparat tilshisi.

«Buıryqta tótenshe jaǵdaılar kezindegi áleýmettik tólemderdiń berilý erejesi kórsetiledi. Qaıtalap aıtamyz, bul tólemder Áleýmettik saqtandyrý memlekettik qorynan tólenedi», - dedi QR Aqparat jáne qoǵamdyq damý mınıstri Dáýren Abaev «Habar 24» arnasyndaǵy onlaın rejımdegi baspasóz máslıhatynda.

Dáýren Abaevtyń aıtýynsha tólem 2 túrli bolady.

«Birinshiden, tótenshe jaǵdaıǵa baılanysty aqysyz eńbek demalysyna shyqqandarǵa - onyń kólemi aıyna 42 myń teńge. Bul usaq, shaǵyn jáne orta bıznestiń qyzmetkerleri bolýy múmkin. Olar keıingi jyly memlekettik qorǵa 3 ret aýdarym jasaýy kerek. Qajetti ótinimdi jumysshy emes, jumys berýshi jasaıdy. Ótinimdi aýdandyq jáne qalalyq jumyspen qamtý shtabtaryna berý kerek. Tólemder tótenshe jaǵdaı aıaqtalǵansha júredi», - dedi ol.

Tólemderdiń ekinshi túri – jumystan shyǵyp qalǵandarǵa qatysty. Olar tólemderdi 1 aıdan 6 aıǵa deıin alady.

«Tólemderdiń kólemi aılyqtyń 40% quraıdy. Ótinim berýdiń esh qıyndyǵy joq. Jumyspen qamtý ortalyǵynda jumyssyz retinde tirkelip, aryz berý qajet. Aryzdy onlaın berýge bolady», - dedi Dáýren Abaev.