«Qyrymnyń qyryq batyry» eposy ıÝNESKO-nyń Reprezentatıvtik tizimine usynylady
ASTANA. KAZINFORM — «Qyrymnyń qyryq batyry» eposy ıÝNESKO-nyń Adamzattyń materıaldyq emes mádenı murasynyń Reprezentatıvtik tizimine usynylady. Bul jaıynda Senat depýtattarynyń saýalyna Premer-mınıstr Oljas Bektenovtiń jaýabynda aıtylǵan.
— Qazirgi tańda ıÝNESKO-nyń Adamzattyń materıaldyq emes mádenı murasynyń reprezentatıvtik tizimine (budan ári — Reprezentatıvtik tizim) sońǵy 10 jyl ishinde qazaq halqyna tán 14 element engizildi. Bıyl «Salbýryn: tazy ertip, búrkit salatyn atbegiler festıvali» ulttyq nomınatsııalyq qujattamasy ıÝNESKO-nyń qaraýyna usynylyp, atalǵan tizimge engizý kútilýde, — dedi Oljas Bektenov.
Úkimet basshysynyń atap ótýinshe, ıÝNESKO-nyń qoldanystaǵy erejelerine sáıkes memleketter ózderiniń ulttyq nomınatsııalaryn Reprezentatıvtik tizimge eki jylda bir retten artyq usyna almaıdy.
— Usynylǵan aqparatqa sáıkes «Qyrymnyń qyryq batyry» epostyq jyryn Reprezentatıvtik tizimge engizý máselesi qoldanystaǵy zańnama talaptaryna sáıkes aldaǵy ýaqytta qarastyrylady, — dedi Premer-Mınıstr.
Buǵan deıin «Abaıdyń qara sózderi» ıÝNESKO-nyń «Álem jady» tizilimine enýi múmkin ekenin jazǵan edik.