Kırıll Prohodov jasóspirimder men kadetter arasyndaǵy Azııa chempıonatynda qola aldy
ASTANA. KAZINFORM – Qazaqtandyq semserlesýshi Kırıll Prohodov kadetter men jasóspirimder arasyndaǵy Azııa chempıonatynda qola júldege ıe boldy.

Qazaqstandyq sportshy irikteý kezeńinen sátti ótti.
Jekpe-jek kezeńinde Kırıll alǵashqy aınalymda ıordanııalyq Abdalla Alnaserdi jeńdi. Keıin qytaılyq Sıa Boıannan basym tústi.
Úzdik segizdikke shyǵý úshin ótken kezdesýde ol komandalasy Bogdan Lýkınmen baq synasyp, 15:9 esebimen jeńiske jetti.
Shırek fınalda Prohodov qytaılyq Shı Djınzeni jeńdi. Alaıda jartylaı fınalda Gonkong sportshysy Man ıÝenmen ótken tartysty jekpe-jekte bir upaı aıyrmashylyǵymen – 14:15 esebimen jeńilip qaldy.
Osylaısha, Kırıll Prohodov Azııa chempıonatyn úshinshi orynmen aıaqtady.
Buǵan deıin bokstan Qazaqstan jasóspirimder quramasy halyqaralyq týrnırden 21 medal jeńip alǵanyn habarlaǵan edik.