Kırıll Kýrdıdı trektegi velosporttan Azııa chempıonatynyń qola júldesin ıelendi

ASTANA. KAZINFORM – Trektegi velosporttan Qazaqstan quramasynyń sportshysy Kırıll Kýrdıdı Malaızııada ótken Azııa chempıonatynda qola júldege qol jetkizdi. 

Sportshy gıt saıysynda qola medal jeńip aldy. Ol 1 000 metr qashyqtyqty 1 mınýt 0,666 sekýndta júrip ótti. Jarysta japonııalyq Rıýto Itıda jeńiske jetse, kúmis júldeni qytaılyq Tsı Lıý ıelendi.

Aıta keteıik, buǵan deıin Qazaqstan quramasy Azııa chempıonatynda komandalyq jarysta úshinshi oryn alǵan edi. 

Eske sala keteıik, buǵan deıin Strandja kýboginiń alǵashqy jarys kúninde bir boksshymyz jarys jolynan shyǵyp qalǵanyn jazǵan edik.