Kırıll Keker «Ordabasy» fýtbol klýbynyń bas bapkeri boldy

ASTANA. KAZINFORM - Qazaqstandyq maman Kırıll Keker «Ordabasy» fýtbol klýbynyń bas bapkeri boldy.

Shymkenttik klýb 45 jastaǵy mamandy komandaǵa jaqyn aradaǵy jattyǵýda tanystyrady.

Kırıll Keker 2022 jylǵy maýsymnan bastap «Qaırat» fýtbol klýbynyń bas bapkeri boldy. Almatylyq klýbtyń bas bapkeri qyzmetinde 60 match ótkizgen. Onyń 29-ynda jeńiske jetip, 15 kezdesýde teń tússe, qalǵanynda qarsylastaryna ese jiberdi.

Ol «Qaırattyń» sáýir aıynda «Qaısardan» jeńilgeninen keıin óz erkimen qyzmetinen ketti.

«Ordabasynyń» burynǵy bas bapkeri Aleksandr Sednev shymkenttik klýbtyń tizginin 2021 jyldan beri ustady. Byltyr komanda óz tarıhynda alǵash ret chempıondyq ataqty jeńip aldy.

Bıyl shymkenttik klýbtyń eýrokýbok oıyndaryndaǵy sátsizdiginen keıin qyzmetinen ketýge májbúr boldy.

Komanda eýrokýboktaǵy joryǵyn Chempıondar lıgasynda bastap, onda Moldovanyń «Petrokýb» (1:0, 0:0) komandasyna ese jiberdi.

Odan keıin Konferentsııa lıgasy ekinshi irikteý kezeńinde Lıýksembýrgtiń «Dıfferdanj-03» komandasyn (4:3, 0:1) tize búktirse, úshinshi irikteý kezeńinde Armenııanyń «Pıýnık» komandasyna (0:1, 0:1) jeńilip qaldy.