Kırıll Keker bıyl eki márte bas bapker qyzmetinen ketti

ASTANA. KAZINFORM - Fýtboldan Shymkenttiń «Ordabasy» komandasynyń bas bapkeri Kırıll Keker «Jeńis» klýbynan jeńilisinen (1:2) keıin qyzmetinen ketý jóninde ótinish berdi.

Bas bapker bul sheshimdi óz qalaýy negizinde qabyldaǵan. 

Ol shymkenttik klýb tizginin tamyz aıynda ustaǵan edi. Atalǵan qyzmette maman belarýstik Aleksandr Sendenvti almastyrdy. Kelisim-shart jyl sońyna deıin jasaldy. 

Aıta ketsek, shymkenttik klýb qatarynan eki márte jeńilip, týrnır kestesindegi jaǵdaıyn qıyndatyp aldy. Ótken jyly chempıondyq ataqqa qol jetkizgen komanda bıyl da sol jetistigin qaıtalaýdy aldyna maqsat etip qoıǵan bolatyn. 

Sondaı-aq Kırıll Keker sáýir aıynda almatylyq «Qaırattyń» bas bapkeri qyzmetinen ketti.

Osylaısha bıyl eki márte atalǵan qyzmetten bas tartýǵa májbúr bolyp otyr.

45 jastaǵy mamand 2022 jylǵy maýsymnan bastap «Qaırat» fýtbol klýbynyń bas bapkeri boldy.