Kırıll Gerasımenko ústel tennısinen Parıj Olımpıadasyna joldama aldy

ASTANA. KAZINFORM – Ústel tennısinen Qazaqstan komandasynyń kóshbasshysy Kırıll Gerasımenko Jazǵy Olımpıada oıyndarynyń lıtsenzııasyna ıe boldy. 

Ulttyq olımpıadalyq komıtettiń málimetinshe, ol irikteý kezeńderinde jınaǵan upaıy boıynsha Parıjde ótetin tórtjyldyqtyń basty dodasyna joldama ıelengen. 

Qazaqstandyq tennısshi halyqaralyq ústel tennısi federatsııasynyń jańartylǵan reıtınginde qurlyqta joldama almaǵan sportshylar arasynda birinshi orynda tur. 

Aıta ketý kerek, Gerasımenko mansabynda úshinshi ret Olımpıada oıyndaryna barýǵa múmkindik alyp otyr. Sportshy Rıo-2016 jáne Tokıo-2020 Olımpıadasyna qatysqan.