Kırıll Gerasımenko ústel tennısinen AQSh-ta ótken jarystyń jeńimpazy atandy
ASTANA. KAZINFORM – Qazaqstandyq Kırıll Gerasımenko AQSh-ta ústel tennısinen ótken WTT Feeder Corpus Christi 2024 halyqaralyq týrnıriniń jeńimpazy atandy.
Olympic.kz. saıtynan málim etkenindeı, Qazaqstan komandasynyń úzdigi tórt birdeı qarsylasynan basym tústi.
Atap aıtqanda, Kırıll Gerasımenko amerıkalyq Kaı Chjandy 3:1, úndistandyq Harmıt Desaıdy 3:1, germanııalyq Shteffen Mengeldi 3:1, portýgalııalyq Joao Monteırýdi 3:2 esebimen utyp, altyn medal jeńip aldy.
«Bul týrnırde birinshi oryn alyp, WTT Champions týrnırine qatysý úshin reıtıngilik upaı jınaımyn degen maqsat bolǵan. Sondaı-aq bul upaılar Parıj olımpıadasyna irikteý kezeńinde de mańyzdy. Munda ózime degen senimdilik arqasynda myqty spotshylardan basym tústim», - dedi Kırıll Gerasımenko.
