Kırıll Gerasımenko Olımpıadada ketken esesin qaıtaryp, Islam oıyndarynda jeńimpaz atandy
ASTANA. KAZINFORM – Ústel tennısinen Qazaqstan quramasynyń kóshbasshysy Kırıll Gerasımenko Er-Rııadta (Saýd Arabııasy) ótip jatqan Islam yntymaqtastyǵy oıyndarynyń jeńimpazy atandy.
Erler arasynda ótken jekeleı saıystyń fınalynda ol mysyrlyq Omar Assarmen kezdesti.
QR UOK málimetinshe, Gerasımenko sheshýshi oıynda 4:1 esebimen jeńiske jetip, Assardan ketken esesin qaıtardy.
Eske salaıyq, Kırıll Gerasımenko men Omar Assar 2024 jylǵy Parıj Olımpıadasynyń 1/8 fınalynda da jolyqqan edi. Ol kezde mysyrlyq sportshy jeńiske jetken bolatyn.
Aıta keteıik, gandboldan Qazaqstan áıelder quramasy Er-Rııadta (Saýd Arabııasy) ótip jatqan Islam yntymaqtastyǵy oıyndarynda alǵashqy kezdesýinde jeńiske jetti.
Sonymen qatar sadaq atýdan Bangladeshtegi Azııa chempıonatynda el qorjynyna altyn júlde tústi.