Qyrylǵan ıtbalyqtar boıynsha zertteý qorytyndysy osy aıda jarııalanady
AQTAÝ. KAZINFORM – Bul týraly gıdrobıologııa jáne ekologııa ınstıtýty habarlady.
- Qazir zertteý jumystary boıynsha kameraldyq óńdeý júrgizilip jatyr. Aqpan aıynyń ekinshi jartysynda barlyq qujat Aýyl sharýashylyǵy mınıstrligi Balyq sharýashylyǵy komıtetine tapsyrylady, - delingen habarlamada.
Eske salaıyq, Mańǵystaýda qazan-qarasha aılarynda ıtbalyqtar jappaı qyrylyp qalǵan edi. Kaspıı teńiziniń ásirese Túpqaraǵan aýdany aýmaǵynan 2 myńǵa jýyq ólekse tabyldy.
Ólgen ıtbalyqtardan Vırýsologııa jáne ekologııa ınstıtýty men Gıdrobıologııa jáne ekologııa ınstıtýtynyń mamandary synama alǵan bolatyn. Ekologııa jáne tabıǵı resýrstar mınıstri ıtbalyqtardyń qyrylý sebebin naqtylaýǵa 3-4 aı ýaqyt kerek ekenin aıtty.
Buǵan deıin Kaspııdegi ıtbalyqtyń jappaı qyrylýynyń aldyn ala sebebi aıtylǵan edi.
Sondaı-aq Mańǵystaýda terilmeı qalǵan ıtbalyq ólekselerin qasqyr jep jatqanyn da jazǵan bolatynbyz.