Qyryq túlek sheteldik áskerı oqý oryndarynda bilim alady
ASTANA. KAZINFORM – Almatyda shetelge oqýǵa ketetin kýrsanttar áskerı ant berdi. Bul týraly QR Qorǵanys mınıstrliginiń baspasóz qyzmeti málim etti.
Radıoelektronıka jáne baılanys áskerı-ınjenerlik ınstıtýtynda sheteldiń áskerı joǵary oqý oryndaryna bilim alýǵa jiberiletin birinshi kýrs kýrsanttarynyń áskerı ant berý rásimi ótti.
«Reseı, Túrkııa jáne Ońtústik Koreıanyń oqý oryndaryna oqýǵa baratyn 40 stýdent irikteldi. Mandattyq komıssııa úmitkerlerdi muqııat tańdap aldy jáne olar bıylǵy jyly oqý ornynyń qataryn tolyqtyrǵan úzdikter ekenin atap ótý kerek», — delingen habarlamada.
Instıtýt bastyǵynyń birinshi orynbasary polkovnık Erjan Qabyshev kýrsanttardy mańyzdy oqıǵamen quttyqtady. Sát-sapar sózinde ol osy oqıǵanyń mańyzdylyǵyn atap ótip, kýrsanttarǵa oqýda sáttilik, qıyndyqtardy jeńýde tabandylyq jáne áskerı boryshty oryndaýda adaldyq tiledi.
— Ant berý — meniń Otan aldyndaǵy boryshymdy adal oryndaý degen sóz. Qazaqstannan kelgen kýrsant ataǵyn abyroımen alyp júrýge bel býdym, — dedi Tverdegi Áýe-ǵaryshtyq qorǵanys áskerı akademııasyna túsken kýrsant Abdýlazız Musajan.
Kýrsanttar úshin bul kún áskerı qyzmettiń bastamasy ǵana emes, aldaǵy ózgeristerdiń belgisi boldy. Jastar elimizdi kórkeıtý úshin sheteldiń áskerı oqý oryndarynda bilim alatyn bolady.
