Qyrǵyzstannyń joǵary bıliginde birqatar kadrlyq ózgerister boldy

BІShKEK. KAZINFORM — Qyrǵyzstanda birqatar joǵary laýazymdy sheneýnikter jańa taǵaıyndaý aldy, dep habarlaıdy Kazinform menshikti tilshisi. 

Qyrǵyzstan prezıdenti Sadyr Japarovtyń tıisti jarlyqtarymen kelesi memlekettik qyzmetkerler qyzmetinen bosatylyp, taǵaıyndaldy: 

* Baqtybek Bekbolotov Qaýipsizdik keńesiniń hatshysy qyzmetinen bosatyldy. Bul qyzmetke buryn Ulttyq qaýipsizdik memlekettik komıteti tóraǵasynyń birinshi orynbasary qyzmetin atqarǵan Rýstam Mamasadyqov taǵaıyndaldy;

* Marat Imanqulov Qyrǵyz Respýblıkasy Prezıdentiniń keńesshisi boldy. Ol buryn atqarǵan Memlekettik hatshy qyzmetine Arslan Koıchıev taǵaıyndaldy;

* Erkın Checheıbaev Densaýlyq saqtaý mınıstri qyzmetinen bosatyldy. Vedomstvo basshysynyń mindetterin atqarýshy qyzmetine buǵan deıin UQMK Jalal-Abad oblysyndaǵy bólimshesin basqarǵan Qanybek Dosmambetov taǵaıyndaldy.

* Azamat Apsatarov Qyrǵyz Respýblıkasy Prezıdenti Ákimshiligi Prezıdent jáne mınıstrler kabınetiniń sheshimderiniń oryndalýyn baqylaý bóliminiń meńgerýshisi bolyp taǵaıyndaldy jáne Prezıdenttiń kómekshisi qyzmetinen bosatyldy;

* Qanat Jumaǵazıev Prezıdenttiń Shý oblysyndaǵy ókiletti ókili qyzmetinen bosatyldy. Onyń ornyna bul qyzmetke Azamat Osmonov keldi;
Elchıbek Djantaev Memlekettik qyzmet jáne jergilikti ózin-ózi basqarý jónindegi memlekettik agenttikti basqardy, sonymen birge Prezıdenttiń Osh oblysyndaǵy ókiletti ókili qyzmetinen bosatyldy;

* Danıel Rysalıev Ulttyq qaýipsizdik jónindegi memlekettik komıtet (UQMK) tóraǵasynyń orynbasary — Kıberqaýipsizdikti qamtamasyz etýdi úılestirý ortalyǵynyń dırektory bolyp taǵaıyndaldy;

* Qurvanbek Avazov UQMK tóraǵasynyń birinshi orynbasary bolyp taǵaıyndaldy.

Eske sala ketsek, 30 qarashada Qyrǵyzstanda Jogorký Kenesh depýtattardyń kezekten tys saılaýy aıaqtaldy. 

Qyrǵyzstandaǵy parlament saılaýyna qansha adam qatysqanyn myna materıaldan oqı alasyz.