Qyrǵyzstannyń JІÓ-si shamamen 2 trln somǵa jetti

BІShKEK. KAZINFORM — Qyrǵyzstanda 2025 jyly JІÓ naqty ósim qarqyny 11%-dan asty, dep habarlaıdy Kazinform menshikti tilshisi. 

Qyrǵyzstan Respýblıkasy Mınıstrler kabınetiniń tóraǵasy — Prezıdent Ákimshiliginiń basshysy Ádilbek Qasymalıev apparat otyrysynda eldiń JІÓ kólemi 2025 jyldyń sońyna qaraı 1 trln 976,4 mlrd som bolǵanyn, al naqtylanǵan baǵalaýdan keıin 2 trln somnan asatynyn habarlady.

— JІÓ 2022 jyldan beri eki ese ósti. 2025 jyly JІÓ naqty ósim qarqyny 11,1%. Sońǵy tórt jylda JІÓ naqty ortasha jyldyq ósý qarqyny 10,2%-ǵa jetti, bul aımaqtyq jáne álemdik deńgeıde joǵary kórsetkish, — dep atap ótti úkimet basshysy.

Qyrǵyzstan Respýbltıkasy Mınıstrler kabınetiniń málimetinshe, qurylys sektory 21,1%-ǵa, qyzmet kórsetý sektory — 10,9%-ǵa, al aýyl sharýashylyǵy 2,2%-ǵa ósti. Ónerkásipte ósim 10,7% boldy, bul rette ónerkásip óniminiń kólemi shamamen 800 mlrd somǵa jetti.

Joǵary ósim qarqyny farmatsevtıka salasynda (1,7 ese), azyq-túlik óndirisinde (30,1%-ǵa), rezeńke jáne plastmassa buıymdary, sondaı-aq qurylys materıaldary óndirisinde (35,7%), avtomobıl óndirisinde (shamamen 2 ese), hımııa ónerkásibinde (19,8%) jáne taý-ken ónerkásibinde (14,2%) tirkelgen. Negizgi kapıtalǵa salynǵan ınvestıtsııalar kólemi 18,4%-ǵa ósip, 374,6 mlrd som boldy.

Eske sala ketsek, eldiń 2025 jylǵy shoǵyrlandyrylǵan bıýdjeti alǵash ret 1 trln 93 mlrd somǵa jetti.