Qyrǵyzstannyń jańa saılanǵan Parlament depýtattary ant qabyldady

ASTANA.KAZINFORM — Qyrǵyzstanda Jogorký Keneshtiń VIII shaqyrylymynyń birinshi sessııasy ótip jatyr. Onyń barysynda depýtattardyń ant berý rásimi ótti, dep habarlaıdy Kazinform agenttiginiń menshikti tilshisi.

Prezıdent Sadyr Japarov, Mınıstrler Kabınetiniń tóraǵasy Ádilbek Qasymalıev jáne úkimet músheleri birinshi parlamenttik sessııaǵa qatysty.

Parlament reglamentine sáıkes, jańa parlament sessııasyn parlamenttiń eń úlken depýtaty Gúlaı Mashrapov basqardy.

Qyrǵyzstan Respýblıkasynyń Saılaý jáne referendýmdar jónindegi ortalyq komıssııasynyń tóraǵasy Tynchtyq Shaınazarov óz sózinde OSK 30-dan asa mandatty saılaý okrýginde saılaýdy zańdy dep tanyǵanyn atap ótti. Daýys berý nátıjesi boıynsha 29 okrýgte parlamentke 87 kandıdat saılandy, al № 13 saılaý okrýgindegi nátıjeler jaramsyz dep tanyldy. Ortalyq saılaý komıssııasynyń basshysy Joǵarǵy Keńes depýtattaryna resmı kýálikteri men tósbelgilerin tapsyrdy, sodan keıin 87 depýtat ant berdi.

Esterińizge sala keteıik, Qyrǵyzstanda 2025 jyldyń 30 qarashasynda Jogorký Keneshke kezekten tys saılaý ótti. Daýys berý protsesi tolyǵymen avtomattandyrylǵan.

Birqatar buzýshylyqtarǵa baılanysty 3 jeltoqsanda ótken № 13 saılaý okrýgindegi depýtattar saılaýy jaramsyz dep tanyldy. Zańǵa sáıkes, qaıta saılaýdy Ortalyq saılaý komıssııasy bir aı ishinde belgilep, eki aı ishinde ótkizedi. Bul okrýgte 35 ýchaskelik saılaý komıssııasynyń jańa tóraǵalary saılanady.

7 jáne 8 jeltoqsanda № 29, 30, 11, 20, 15, 27, 2, 10, 24, 28, 5, 22, 1, 18, 17, 21, 7, 3, 12, 14, 4, 19, 6, 23 jáne 25 saılaý okrýgterinde daýys berý nátıjeleri rastaldy. 9 jeltoqsanda qalǵan № 26, 8 jáne 9 okrýgterdiń nátıjeleri belgili boldy.