Qyrǵyzstannyń Ulttyq qaýipsizdik memlekettik komıtetine jańa basshy taǵaıyndaldy

BІShKEK. KAZINFORM – Jýmgalbek Shabdanbekov Qyrǵyzstan Ulttyq qaýipsizdik memlekettik komıtetiniń tóraǵasy bolyp taǵaıyndaldy, dep habarlaıdy Kazinform menshikti tilshisi. 

Tıisti jarlyqqa Qyrǵyzstan Respýblıkasynyń Prezıdenti Sadyr Japarov qol qoıdy.

16 aqpanda Jogorký Keneshtiń halyqaralyq ister, qorǵanys, qaýipsizdik jáne kóshi-qon komıteti Jýmgalbek Shabdanbekovtiń Ulttyq qaýipsizdik memlekettik komıtetiniń tóraǵasy laýazymyna kandıdatýrasyn qoldady. 

Eske sala ketsek, 10 aqpanda Qamchybek Tashıev mınıstrler kabıneti tóraǵasynyń orynbasary – UQMK tóraǵasy qyzmetinen bosatyldy.

UQMK basshysynyń aýysýynan keıin tóraǵanyń úsh orynbasary qyzmetinen bosatyldy.

Qyrǵyzstan prezıdenti sońǵy kadrlyq sheshimder neden týyndaǵanyn túsindirdi.