Qyrǵyzstannyń Ulttyq banki úsh kommertsııalyq bankti aıyppulǵa tartty
ASTANA. KAZINFORM — Qyrǵyzstannyń Ulttyq banki bank qyzmetin retteıtin zańnama men normatıvtik quqyqtyq aktilerdiń talaptaryn buzǵany úshin úsh kommertsııalyq bankti jaýapkershilikke tartty, dep jazady Kabar.
Vedomstvonyń málimetine sáıkes tekserister nátıjesinde árbir bankke 55 000 som kóleminde ákimshilik aıyppul salyndy.
Qazirgi ýaqytta Qyrǵyz Respýblıkasynda 21 kommertsııalyq bank jumys isteıdi.
2024 jyly kommertsııalyq bankterdiń qyzmetine 146 tekseris júrgizilip, nátıjesinde kommertsııalyq bankterge jalpy somasy 25 mln somdy quraıtyn 12 aıyppul salyndy.
Budan buryn Qyrǵyzstanda kómirdi kólikpen shyǵarýǵa ýaqytsha tyıym salynǵanyn jazǵanbyz.
