Qyrǵyzstannyń qaýipsizdik komıteti «ıAndeks.Taksı» keńsesine tintý júrgizdi

ASTANA. KAZINFORM – Qyrǵyzstannyń Ulttyq qaýipsizdik jónindegi memlekettik komıteti (UQMK) asa iri kólemde salyq tóleýden jaltarý faktisi boıynsha qylmystyq isti tergeý aıasynda «ıAndeks.Taksı Korp» JShS men onyń seriktesteriniń keńselerinde tintý júrgizdi. Bul týraly Qyrǵyzstannyń BAQ ókilderi vedomstvonyń málimdemesine silteme jasap habarlady, dep jazdy report.az.

UQMK málimetinshe, kompanııa men onyń seriktesteri Ekonomıka mınıstrligine qarasty Monopolııaǵa qarsy retteý qyzmeti qabyldaǵan sharalarǵa qaramastan, taksı júrgizýshileriniń paıyzdyq mólsherlemesin negizsiz kóterdi, bul qyzmet qunynyń jasandy ósýine ákelip soqtyrdy.

Qazirgi ýaqytta kinálilerdi anyqtaý jáne olardy qylmystyq jaýapkershilikke tartý jumystary jalǵasýda, delingen habarlamada.

Osyǵan deıin Qyrǵyzstanda 12 balanyń táttiden ýlanǵany týraly jazdyq.

Anyqtalǵandaı, 12 jastaǵy 7 synyp oqýshysy Iskra aýylyndaǵy qoqys polıgonynan bir paket «BEN 10» kámpıtteri men bótelkedegi tátti spreıdi taýyp alyp, mekteptegi synyptastaryna bergen. Artynsha balalar táttilerden ýlanǵan.