Qyrǵyzstannyń UQMK basshylyq quramynda aýys-túıis boldy

BІShKEK. KAZINFORM – Qamchybek Tashıev mınıstrler kabıneti tóraǵasynyń orynbasary – UQMK tóraǵasy qyzmetinen bosatyldy.

Bul týraly Qyrǵyzstan Respýblıkasy Prezıdentiniń ákimshiligi habarlady.

– Men bul sheshimdi eń aldymen memleketimizdiń múddesi úshin, qoǵamdaǵy, sonyń ishinde memlekettik organdar arasyndaǵy bólinýdiń aldyn alý jáne kerisinshe – birlikti nyǵaıtý maqsatynda qabyldadym, - dep málimdedi prezıdent Sadyr Japarov Kamchybek Tashıevtiń otstavkaǵa ketýine qatysty túsinik berip.

Jýmgalbek Shabdanbekov UQMK tóraǵasynyń mindetin atqarýshy bolyp taǵaıyndaldy. Onyń kandıdatýrasy Qyrǵyzstan Respýblıkasy Jogorký Keneshine UQMK tóraǵasy qyzmetine taǵaıyndaýǵa bekitý úshin usynylyp otyr.

Kabar agenttiginiń habarlaýynsha, UQMK basshysynyń aýysýynan keıin tóraǵanyń úsh orynbasary qyzmetinen bosatyldy.

Qyrǵyz Respýblıkasy Prezıdenti ákimshiliginiń málimetinshe, tıisti jarlyqpen kelesi tulǵalar qyzmetinen bosatyldy:

* Qýrvanbek Avazov – UQMK tóraǵasynyń birinshi orynbasary;

* Danıel Rysalıev – UQMK tóraǵasynyń orynbasary – Kıberqaýipsizdikti qamtamasyz etý jónindegi úılestirý ortalyǵynyń dırektory;

* Elızar Smanov – UQMK tóraǵasynyń orynbasary – Lańkestikke qarsy ortalyqtyń dırektory.

Buǵan deıin Qyrǵyzstan Ulttyq qaýipsizdik memlekettik komıtetiniń tóraǵasy Kamchybek Tashıev sybaılas jemqorlyqpen kúrestiń jeke ómirine de áser etkenin aıtqan bolatyn.