Qyrǵyzstannyń sońǵy saılaý okrýgindegi depýtattar qashan saılanady
ASTANA.KAZINFORM - Qyrǵyzstan Respýblıkasynyń Saılaý jáne referendýmdar jónindegi ortalyq komıssııasy №13 kóp mandatty saılaý okrýgindegi Joǵarǵy Keńes (Parlament) depýtattarynyń qaıta saılaý kúnin belgiledi, dep habarlaıdy Kazinform menshikti tilshisi.
OSK qaýlysyna sáıkes, saılaý 2026 jyldyń 1 naýryzynda ótedi. №13 saılaý okrýginde parlamenttiń úsh múshesi bes jyldyq merzimge saılanady. Zańǵa sáıkes, Qyrǵyz Respýblıkasyndaǵy Joǵarǵy Keńes depýtattarynyń qaıta saılaýyn ótkizý úshin saılaý protsesi úshten birge qysqartyldy.
Qaıta saılaýdy daıyndaý jáne ótkizýge respýblıkalyq bıýdjetten 18 507 000 som bólinedi.
Aıta keteıik, Qyrǵyzstanda 30 qarashada Joǵarǵy Keńes depýtattarynyń kezekten tys saılaýy ótti. Daýys berý protsesi tolyǵymen avtomattandyryldy.
3 jeltoqsanda Qyrǵyz Respýblıkasynyń Ortalyq saılaý komıssııasy birqatar buzýshylyqtarǵa baılanysty №13 kóp mandatty saılaý okrýginde Jogorký Kenesh depýtattarynyń merziminen buryn saılaýyn jaramsyz dep tanydy.
