Qyrǵyzstannyń salyq qyzmeti myńǵa jýyq qyzmetkerin qysqartady
ASTANA. KAZINFORM – Qyrǵyzstannyń Memlekettik salyq qyzmeti qurylymdy ońtaılandyrý aıasynda óńirlerdegi shamamen myń qyzmetkerin qysqartýǵa kiristi.
Bul týraly Jogorký Keneshtiń otyrysynda depýtat Ýlýkbek Karybek ýýlý málimdedi.
Onyń aıtýynsha, kadrlardy qysqartý salyqtyq ákimshilendirý júıesin tsıfrlandyrý jáne shtat qurylymyn ońtaılandyrý jumystarymen baılanysty.
«Óńirlerde tutas bólimsheler qysqartýǵa ushyrap otyr. Olardyń arasynda zeınetkerlik jasqa shyǵýyna az ýaqyt qalǵan mamandar da bar», – dedi depýtat.
Parlament depýtaty atalǵan máseleni Memlekettik salyq qyzmeti ókilderiniń qatysýymen Jogorký Keneshte arnaıy qaraýdy usyndy.
Qazirgi ýaqytta vedomstvo tarapynan qysqartý naýqanynyń naqty aýqymy men onyń saldaryna qatysty resmı túsinikteme berilgen joq.
Aıta keteıik, buǵan deıin Qyrǵyzstanda baǵa men tarıf óskeni habarlanǵan bolatyn.
