Qyrǵyzstannyń Osh qalasynda tótenshe jaǵdaı jarııalandy
ASTANA. KAZINFORM – Qyrǵyzstanda 18 mamyrda jaýǵan nóser jaýyn saldarynan týyndaǵan qubylmaly aýa raıyna baılanysty Osh qalasynda «tótenshe jaǵdaı» rejımi engizildi.
Osh qalalyq bıliginiń habarlaýynsha, mundaı sheshim Osh qalasynyń meri Baqytbek Jetigenovtyń tóraǵalyǵymen ótken Azamattyq qorǵanys shtabynyń otyrysynda qabyldanǵan. Rejım sel saldary joıylǵansha kúshinde bolady.
- Osh qalasynyń azamattyq qorǵaý qyzmetteriniń, qalalyq jáne mýnıtsıpaldyq mekemeler men uıymdardyń, jergilikti mýnıtsıpalıtetterdiń jáne kentterdiń aýmaqtyq bólimderiniń basshylaryna qaladaǵy sel saldaryn joıý jáne keshendi is-sharalardy, onyń ishinde tazalaý jumystaryn júrgizý tapsyryldy. Sý basý qaýpi bar aýmaqtardy tazartý, sý tasqynynan qorǵaý arnalary men tosqaýyldaryn qalpyna keltirý, profılaktıkalyq is-sharalardy kúsheıtý, qalalyq ırrıgatsııalyq jeliler men sý burý kanaldarynyń jaǵdaıyn baqylaý, sondaı-aq sel arnalaryna arnaıy tehnıkanyń kedergisiz kirýin qamtamasyz etý maqsatynda turǵyndarmen túsindirý jumystaryn kúsheıtildi», - delingen habarlamada.
