Qyrǵyzstannyń Osh qalasynda Abaı Qunanbaevqa arnalǵan kóshe, eskertkish jáne mýzeı ashyldy
ASTANA. KAZINFORM – Osh qalasynda (Qyrǵyz Respýblıkasynyń iri ákimshilik ortalyqtarynyń biri) Abaı Qunanbaıuly atyndaǵy kóshe, eskertkish jáne mýzeıdiń saltanatty ashylý rásimi ótti. Bul týraly Mádenıet jáne aqparat mınıstrliginiń baspasóz qyzmeti habarlady.
Іs-sharaǵa Qazaqstan Respýblıkasynyń Mádenıet jáne aqparat mınıstri Aıda Balaeva, Qyrǵyzstannyń Mádenıet, aqparat, sport jáne jastar saıasaty mınıstriniń orynbasary Askaraly Madamınov, Osh qalasynyń meri Jenıshbek Toktorbaev, sondaı-aq dıplomatııalyq korpýs pen shyǵarmashylyq zııaly qaýym ókilderi qatysty.
Ashylý saltanatynda Aıda Balaeva qatysýshylarǵa alǵys bildirip, bul bastamanyń erekshe mańyzyna toqtaldy.
— Bıyl tamyz aıynda Bishkek qalasynda uly qalamgerler Muhtar Áýezov pen Shyńǵys Aıtmatovqa arnalǵan kompozıtsııalyq eskertkish ashylǵan bolatyn. Sol ıgi dástúrdi búgin Osh jerinde Abaıdyń esimimen jalǵastyryp otyrmyz. Sondyqtan búgin ashylyp otyrǵan eskertkish, kóshe jáne mýzeı — tek mádenı nysandar ǵana emes. Bul — eki eldiń baýyrlastyǵyn, rýhanı sabaqtastyǵyn jáne ózara qurmetin kórsetetin máńgilik belgi, urpaqty bilim men parasatqa jeteleıtin ortaq qundylyq ekeni sózsiz, — dedi mınıstr.
Aıda Balaeva eki el basshylary ekijaqty qatynastardy damytýǵa aıryqsha úles qosyp júrgen qoǵam qaıratkerleri men saıası tulǵalardyń eńbegin joǵary baǵalaıtynyn atap ótti. Sonymen qatar Memleket basshysynyń arnaıy Jarlyǵymen Osh qalasynyń meri Jenıshbek Toktorbaevqa Qazaqstan Respýblıkasynyń memlekettik nagradasy — II dárejeli «Dostyq» ordeni tabystaldy.
Mınıstrdiń aıtýynsha, keıingi jyldary Qazaqstan men Qyrǵyzstannyń mádenı-gýmanıtarlyq yntymaqtastyǵy jańa serpinmen damyp keledi. Birlesken kórmeler, teatr gastrolderi, ádebı jáne jastar forýmdary, zertteýshiler konferentsııalary ótkizilýde. Sondaı-aq mádenıet mekemeleriniń áriptestigi nyǵaıyp, ıÝNESKO aıasyndaǵy baǵdarlamalar sheńberinde ózara qoldaý kúsheıip otyr.
Budan bólek, jumys sapary barysynda mınıstr Qyrǵyzstandaǵy eń iri mýzeılerdiń biri, ıÝNESKO-nyń Búkilálemdik mura tizimine engen «Sýlaıman-Too» ulttyq tarıhı-arheologııalyq mýzeı-qoryǵyna bardy.
Aıta ketelik Qyrǵyzstan ıÝNESKO Atqarýshy keńesiniń múshesi bolyp qaıta saılanǵan edi.