Qyrǵyzstannyń ońtústiginde birneshe ret jer silkindi

ASTANA. KAZINFORM – Búgin Qyrǵyzstanda úsh ret jer silkindi, taǵy bir jer silkinisi qyrǵyz-tájik shekarasyna jaqyn jerde boldy. 

Qyrǵyz Respýblıkasy Ulttyq ǵylym akademııasynyń seısmologııa ınstıtýtynyń málimetinshe, alǵashqy jer silkinisi saǵat 08:36-da bolǵan, epıtsentrdegi jerasty dúmpýleriniń kúshi shamamen 3 baldy quraǵan.

Jer silkinisiniń oshaǵy Qyrǵyzstan aýmaǵynda: Toskool aýylynan soltústik-batysqa qaraı 8 shaqyrym jerde, Maýlýý-Sýý qalasynan shyǵysqa qaraı 18 shaqyrym jerde, Jalal-Abad qalasynan soltústik-batysqa qaraı 43 shaqyrym jerde ornalasqan. Qyrǵyz Respýblıkasynyń eldi mekenderinde jer silkinisiniń kúshi Toskool aýylynda 2 ball shamasynda boldy.

Sondaı-aq saǵat 09:15-te Tájikstan aýmaǵynda epıtsentrinde kúshi 3 baldyq jer silkinisi boldy. Onyń oshaǵy Batken qalasynan ońtústikke qaraı 110 shaqyrym jerde ornalasqan. Jerasty dúmpýleri Qyrǵyz Respýblıkasynyń eldi mekenderinde sezilgen joq. Odan keıin Qyrǵyzstanda epıtsentrinde 3 ball bolǵan taǵy eki jer silkinisi tirkeldi.

Saǵat 15:04-te Ak-Tash aýylynan soltústikke qaraı 17 shaqyrym jerde, Kanysh-Kııa aýylynan soltústik-batysqa qaraı 22 shaqyrym jerde, Terek-Saı aýylynan soltústik-batysqa qaraı 42 shaqyrym jerde, Batken qalasynan soltústikke qaraı 192 shaqyrym jerde jer silkinisi tirkelgen. Eldi mekenderde jerasty dúmpýleri sezilgen joq.

Saǵat 16:01-de jer silkinisi Aral aýylynan soltústik-shyǵysqa qaraı 5 shaqyrym jerde, Tesh aýylynan soltústik-shyǵysqa qaraı 9 shaqyrym jerde, Sýzak aýylynan soltústik-batysqa qaraı 12 shaqyrym jerde, Jalal-Abadtan ońtústik-batysqa qaraı 20 shaqyrym jerde, Andıjannan soltústik-shyǵysqa qaraı 38 shaqyrym jerde jer silkindi.

Qyrǵyzstannyń eldi mekenderinde jer silkinisiniń kúshi Aral jáne Tesh aýyldarynda 2 baldy qurady.