Qyrǵyzstannyń Memlekettik hatshysy týdy ózgertýge baılanysty oıyn aıtty

Qyrǵyz Respýblıkasynyń Memlekettik hatshysy Súıinbek Qasmambetov áleýmettik jelidegi paraqshasynda týdy ózgertý týraly pikirimen bólisti. Kazinform bul týraly Kabar agenttigine silteme jasap habarlaıdy.

«Usynylǵan ıdeıa alǵashynda Prezıdent Sadyr Japarovqa, Mınıstrler kabıneti tóraǵasynyń orynbasary Qamshybek Tashıevke, maǵan da unady. El jańǵyryp jatqan tusta týymyzdyń da jańarǵany durys bolar dep oıladyq. Alaıda, qoǵam talqylaýy qazirgi týdyń halyqtyń sanasy men júregine sińip ketkenin kórsetip, týdy ózgertý máselesi kópshilikti alańdatty. Jogorký Kenesh depýtattary halyqtyń tilegin eskere otyryp áreket etedi dep seneıik. Qandaı jaǵdaı bolmasyn, bir-birimizge qurmetpen qaraıyq», - dep jazdy ol.