Qyrǵyzstannyń Eńbek mınıstrligi turǵyndardy arandatýshylyq áreketterge boı bermeýge shaqyrdy

BІShKEK. KAZINFORM – Qyrǵyzstannyń Eńbek, áleýmettik qamtamasyz etý jáne kóshi-qon mınıstrliginiń Reseıdegi ókildigi qyrǵyzstandyqtardy lańkestik áreketterge qatysý úshin áleýmettik jeliler arqyly túrli arandatýshylyqtarǵa boı aldyrmaýǵa shaqyrdy.

Vedomstvonyń málimetinshe, Reseıde turatyn qyrǵyz azamattaryn áleýmettik jeliler men Telegram sııaqty tanymal messendjerler arqyly lańkestik áreketterge qatysýǵa tartyp jatyr.

Qyrǵyzstan Respýblıkasy Eńbek mınıstrliginiń ókildigi Reseıde turatyn nemese ýaqytsha júrgen qyrǵyzstandyqtardy túrli arandatýshylyqtarǵa boı aldyrmaýǵa, áleýmettik jeli arqyly jumysqa ornalaspaýǵa, túrli is-sharalarǵa qatyspaýǵa, sondaı-aq balalardy baqylaýǵa úndedi.

Vedomstvo lańkestik áreketke qatysqan azamattar Reseı Federatsııasynyń qylmystyq zańnamasy boıynsha ómir boıyna bas bostandyǵynan aıyrýǵa deıin jazalanatynyn eske saldy.