Qyrǵyzstannyń eks-prezıdenti Atambaev kináli dep tanyldy

BІShKEK. KAZINFORM – Qyrǵyzstannyń Pervomaı aýdandyq soty burynǵy prezıdent Almazbek Atambaevty qylmystyq top serkesi Azız Batýkaevty qamaýdan zańsyz bosatý isi boıynsha syrttaı kináli dep tanydy, dep jazady TASS.

Alaıda istiń merzimi ótip ketkenine baılanysty oǵan jaza taǵaıyndalmady. Bul týraly eks-memleket basshysynyń advokaty Sergeı Slesarev habarlady. 

– Azız Batýkaev isi boıynsha úkim shyqty. Almazbek Atambaev kináli dep tanyldy, biraq istiń eskirýine baılanysty jaza taǵaıyndalǵan joq, - dedi ol. 

Aıta keteıik, buǵan deıin Qyrǵyzstannyń burynǵy prezıdenti Almazbek Atambaev 11 jylǵa sottalýy múmkin ekenin jazǵan edik. 

Sondaı-aq Qyrǵyzstanda jappaı tártipsizdik uıymdastyrýǵa daıyndalyp jatqan top ustaldy.