Qyrǵyzstannyń eks-premer-mınıstrine Kólbaev qylmystyq toby syılaǵan lıýks brondy kólik tárkilendi

Qamshy Kólbaevtyń uıymdasqan qylmystyq toby Qyrǵyzstannyń burynǵy premer-mınıstri Sapar Isakovqa syılaǵan lıýks sanatyndaǵy brondy avtokólik tárkilendi, dep habarlaıdy Kazinform menshikti tilshisi Qyrǵyzstan Respýblıkasy Memlekettik ulttyq qaýipsizdik komıtetiniń baspasóz qyzmetine silteme jasap.

Vedomstvo málimetinshe, qaza bolǵan qylmys áleminiń serkesi Q.Kólbaev pen onymen úlestes bolǵan tulǵalardyń zańsyz jolmen ıemdengen múlkin anyqtaý úshin júrgizilgen jedel-izdeý sharalary aıasynda Qyrǵyzstan azamaty Mýrat Ramonov ustaldy.

M.Ramonov bárin zańdy dep kórsetý úshin Q.Kólbaevtyń qylmystyq jolmen (reket, bopsalaý, alym-salyq, esirtki saýdasy) tapqan aktıvterin óz atyna tirkep, ary qaraı ony keı saıasatkerlerge berip otyrǵany anyqtaldy.

2020 jyldyń qazanynda M.Ramonov Qyrǵyz Respýblıkasynyń eks-premer-mınıstri Sapar Iskakovqa qamaýdan bosaǵannan keıin 2015 jylǵy «Mersedes-Bents S600» markaly brondy avtokólik syılaǵan.

QR UQMK deregi boıynsha, 2020 jyldyń 5 qazanynda Sapar Iskakov keıbir saıasatkerlermen birlesip, bul kólikti «Ala-Too» ortalyq alańynda jappaı tártipsizdik uıymdastyrý úshin paıdalanǵan.