Qyrǵyzstannyń eki oblysynda jer silkindi

ASTANA. KAZINFORM — Keshe Qyrǵyzstan aýmaǵynda eki jer silkinisi boldy, dep habarlaıdy KAVAR.

Bul týraly QR UǴA Seısmologııa ınstıtýty habarlady.

Birinshi seısmıkalyq oqıǵa saǵat 16:32-de tirkeldi. Jer silkinisiniń magnıtýdasy MSK-64 shkalasy boıynsha 3,0 boldy. Jer asty dúmpýleri Batken oblysynyń Leılek aýdanynda sezildi — Korgon aýylynda dúmpý kúshi 2,5 ballǵa jetti. Jer silkinisiniń oshaǵy Korgon aýylynan soltústik-shyǵysqa qaraı 6 km jáne Batken qalasynan ońtústik-shyǵysqa qaraı 50 km qashyqtyqta ornalasty.

Ekinshi jer silkinisi saǵat 16:37-de boldy. Onyń magnıtýdasy 3,5-ke jetti. Dúmpýler Naryn oblysynda, atap aıtqanda:

— Kochkor aýdanynyń Semız-Bel aýylynda — 3,5 ballǵa deıin,
— Arsy, Kochkor, Qara-Too, Qara-Sý, Bolshevık aýyldarynda jáne Orto-Toqoı sý qoımasy aýdanynda — 3 ballǵa deıin sezildi.

Jer silkinisiniń oshaǵy Semız-Bel mańynda — soltústik-shyǵysqa qaraı 8 km, Orto-Toqoı sý qoımasynan ońtústik-batysqa qaraı 12 km jáne Balyqshy qalasynan ońtústik-batysqa qaraı 30 km qashyqtyqta ornalasty.

Aldyn ala málimet boıynsha qıraý nemese zardap shekkender týraly aqparat túspedi. Qazirgi ýaqytta eki oblysta jer silkinisiniń saldary naqtylanyp jatyr.

Buǵan deıin Ekvadorda 6,3 baldyq jer silkinisi bolǵanyn jazǵanbyz.