Qyrǵyzstannan kelgen gýmanıtarlyq kómek qaı óńirlerge jiberildi
ASTANA. KAZINFORM – Tótenshe jaǵdaılar mınıstrligi Azamattyq qorǵanys jáne áskerı bólimder komıtetiniń aǵa ofıtseri Erasyl Saıpash baýyrlas qyrǵyz halqynan kelgen gýmanıtarlyq kómektiń qaı óńirlerge jiberilgenin aıtty.
«Qostanaı qalasyna Qyrǵyzstan Respýblıkasynan gýmanıtarlyq kómek kelip jetti. Qalǵan júk kólikteri Atyraý jáne Batys Qazaqstan oblysyna bara jatyr. Gýmanıtarlyq kómek Qyrǵyzstan Respýblıkasynyń Tótenshe jaǵdaılar mınıstriniń orynbasary Ýrmatbek Shamyrkanovtyń qatysýymen taratylyp jatyr», - dedi Erasyl Saıpash Ortalyq kommýnıkatsııalar qyzmeti alańynda ótken baspasóz máslıhatynda.
Buǵan deıin Qyrǵyzstannan kelgen gýmanıtarlyq kómek Aqtóbe oblysyna jetkizilgenin habarlaǵan edik.
Eske sala ketsek, sý tasqynynyń zardabyna baılanysty Qyrǵyzstan Qazaqstanǵa 300 tonna gýmanıtarlyq kómek jibergen edi.
Memleket basshysy baýyrlas Qyrǵyzstan halqyna gýmanıtarlyq kómegi úshin alǵys aıtty.
