Qyrǵyzstan Qazaqstannan 1,5 mln kVtsaǵ elektr energııasyn ımporttaıdy
ASTANA. KAZINFORM – Qyrǵyzstan Qazaqstannan 1,5 mln kVtsaǵ elektr energııasyn ımporttaýdy josparlap otyr, dep habarlaıdy QR Energetıka mınıstrliginiń baspasóz qyzmeti.
"Qazaqstan men Qyrǵyzstannyń sý sharýashylyǵy jáne energetıka vedomstvolary basshylarynyń 2023 jylǵy 25 tamyzdaǵy sý-energetıkalyq yntymaqtastyq máseleleri jónindegi ýaǵdalastyqtaryna sáıkes, Qazaqstannan Qyrǵyz Respýblıkasyna elektr energııasyn jetkizý kólemi kestege saı júzege asyrylatyn bolady.
«JEK boıynsha RFO» JShS (elektr energııasyn biryńǵaı satyp alýshy) men «elektr stantsııalary» AAQ arasynda Qazaqstannyń biryńǵaı elektr energetıkalyq júıesindegi elektr energııasynyń profıtsıti (artyq) saǵattarynda ǵana eksporttyq elektr energııasynyń josparly kólemin satýǵa shart jasaldy" delingen habarlamada.
Mınıstrliktiń málimetine saı, bul elektr energııasyn eksporttyq jetkizý aldaǵy vegetatsııalyq kezeńde eldiń ońtústik óńirlerin sýarmaly sýdyń qajetti kólemimen odan ári qamtamasyz etý maqsatynda Toqtoǵul GES-na sýdyń qajetti deńgeıin jınaqtaý úshin ǵana júzege asyrylady.
Bul rette, Qyrǵyz Respýblıkasynyń energııa júıesi ishinde elektr energııasyn odan ári bólý Qyrǵyzstan energetıkteriniń aıryqsha ishki quzyreti bolyp tabylatynyn atap ótken jón.